24.06.2026 | 21:15
Ինչպես է երիտասարդ այգեգործը շրջանցել ՌԴ սահմանափակումները․ ծիրանի վաճառք՝ այլ շուկայում. ՏԵՍԱՆՅՈՒԹ
Հայաստանը հետաքրքրված է եվրասիական ինտեգրման մեխանիզմների ռիթմիկ գործունեությամբ․Զախարովա՝Օվերչուկի ՀՀ այցի մասին
Քաղաքականություն
29.08.2025 | 20:20
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Ռուսաստանի փոխվարչապետ Ալեքսեյ Օվերչուկի՝ օգոստոսի 20-ին Հայաստան կատարած այցին։ Ըստ նրա՝ այն անցել է պրոֆեսիոնալ, կառուցողական մթնոլորտում, քննարկվել են տնտեսական համագործակցության բազմաթիվ ասպեկտներ, ինչպես երկկողմ ձևաչափով, այնպես էլ ԵՏՄ ձևաչափով։
Մանրամասն քննարկվել են առանձին տիպի արտադրանքի, մասնավորապես, սննդամթերքի մատակարարման հարցերը, և հնարավոր է եղել փոխըմբռնման գալ որոշ նրբերանգների շուրջ։ Զախարովայի նշել է, որ կողմերը համաձայնության են եկել հետագա քայլերի շուրջ՝ դաշնակցային բնույթին և երկկողմ հարաբերություններին համապատասխան։
Ռուսաստանցի պաշտոնյայի խոսքով՝ հանդիպումներից հետո փոխըմբռնում է ձևավորվել Եվրոպական և Եվրասիական միությունների տեխնիկական կանոնակարգերի անհամատեղելիության վերաբերյալ որոշ նրբերանգների շուրջ։
«Այս զրույցները ցույց տվեցին, որ Հայաստանը հետաքրքրված է եվրասիական ինտեգրման մեխանիզմների ռիթմիկ գործունեությամբ։ Հայ արտադրողները զգում են իրենց երկրի Եվրասիական տնտեսական միությանը մասնակցության գործնական օգուտները և հասկանում են ապրանքների անարգել մուտքի կարևորությունը ԵՏՄ երկրներ, այդ թվում՝ Ռուսաստան», – ասել է Զախարովան։
Նա հավելել է, որ վերջին 10 տարիների ընթացքում ԵՏՄ երկրների հետ Հայաստանի առևտրաշրջանառությունն աճել է մոտ 10 անգամ։
Թարգմանությունը՝ Էմմա Չոբանյանի
