05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
«Ֆլեշ» ՍՊԸ-ն թերլիցքավորման համար ենթարկվել է վարչական պատասխանատվության
Հասարակություն
28.08.2025 | 16:24
ՀՀ Շուկայի վերահսկողության տեսչական մարմինը տեղեկացնում է, որ «Ֆլեշ» ՍՊԸ-ն թերլիցքավորման համար ենթարկվել է վարչական պատասխանատվության՝ 763 015 ՀՀ դրամի չափով։
«ՀՀ Շուկայի վերահսկողության տեսչական մարմնի կողմից իրականացվել է ստուգում բենզինի, դիզելային վառելիքի և հեղուկ ածխաջրածնային գազի մանրածախ վաճառքով զբաղվող «ՖԼԵՇ» ՍՊԸ-ին պատկանող լցակայանում (հասցե՝ Վայոց ձորի մարզ, ք․ Վայք, Ջերմուկի խճ․ 2/1/1)։
Ստուգման արդյունքում հայտնաբերված թերլիցքավորման համար տնտեսվարողը ենթարկվել է 763 015 ՀՀ դրամի չափով վարչական պատասխանատվության։
Արձանագրված իրավախախտման հիմքով Շուկայի վերահսկողության տեսչական մարմնի ղեկավար Արմեն Կոտոլյանի հրամանով լցակայանում 1 ամիս ժամկետով փակցվել է «Մենք տուգանվել ենք թերլիցքավորման համար» պաստառ»,- ասված է ՇՎՏՄ-ի տարածած հաղորդագրությունում։
