16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Հեծանվորդ Էդգար Ստեփանյանը կփորձի ետ բերել կորցրածը
22.10.2018 | 13:07
Փարիզում այսօր կավարտվի հրապարակային հեծանվավազքի աշխարհի գավաթի խաղարկության առաջին փուլի մրցաշարը. տեղեկացնում է ՀԱՕԿ լրատվական բաժինը:
Եվրոպայի այս տարվա մինչև 23 տարեկանների առաջնության հաղթող,երևանցի Էդգար Ստեփանյանը հրաշալի մեկնարկեց խմբային վազքում, հասցրեց նույնիսկ միավորներ վաստակել: Բայց միջնամասում նա անակնկալ դանդաղեց, միացավ խմբի «միջակներին» և դիմացավ մինչև մրցավազքի ավարտը:
Հեռաձայնեցինք Էդգարին:Ասաց, որ ինքը, մարզիչը և ամբողջ թիմը շատ են աշխատել մրցմանը լավ մասնակցելու համար: Հաջող է մեկնարկել,բայց անակնկալ ձախ ոտնամկանի վնասվածք է ստացել: «Սպորտ է, ամեն բան կպատահի: Բայց չեմ հուսալքվել,- ասաց Էդգարը: – Կվերադառնամ Երևան, կբուժեմ վնասվածքը և առավել նպատակային մարզումներով կփորձեմ մրցումներում ետ բերել կորցրածը»:
