04.11.2026 | 12:45
Գյումրու երաժշտական քոլեջի փոխտնօրենը մեղադրվում է անվճար ուսուցման դիմաց 1 մլն դրամից ավելի կաշառք ստանալու մեջ
Ադրբեջանի մի շարք պետական կառույցների կայքեր կիբերհարձակման են ենթարկվել
Քաղաքականություն
14.10.2026 | 12:21
Ադրբեջանում խնդիրներ են առաջացել մի շարք պետական հաստատությունների պաշտոնական կայքեր մուտք գործելու հետ կապված, գրում են ադրբեջանական լրատվամիջոցները։ Նշվում է, որ 2026 թվականի հոկտեմբերի 13-ին՝ ժամը 22:00-ի սահմաններում, կիբերհարձակումներ են արձանագրվել Ադրբեջանի պետական տեղեկատվական ենթակառուցվածքի դեմ։
Պետական հատուկ կապի և տեղեկատվական անվտանգության ծառայությունից հայտնել են, որ հարձակումն իրականացրել է օտարերկրյա հաքերային խմբավորում։
Հարձակման թիրախ են դարձել Ադրբեջանի ավելի քան 100 պետական դոմեններ։ Կիբերհարձակման հետևանքով մի շարք պետական մարմինների ինտերնետային ռեսուրսների աշխատանքում խափանումներ են առաջացել։ Համապատասխան տեխնիկական միջոցառումների շնորհիվ կիբերհարձակման հետևանքները սահմանափակվել են, իսկ կայքերի անընդհատ աշխատանքն ապահովվել է։
Հաղորդվում է, որ ներկայում ծառայությունը շարունակում է միջոցներ ձեռնարկել կիբերանվտանգությունն ապահովելու ուղղությամբ, այլ մանրամասներ չեն հաղորդվում։
Թարգմանությունը՝ Էմմա Չոբանյանի
