05.11.2026 | 12:39
ԵՄ ընդլայնումը հրատապ է․ չենք կարող երկար սպասեցնել թեկնածու երկրներին․ Կալաս
SpaceX-ն առանց նախազգուշացման սահմանափակել է Starlink տերմինալների աշխատանքն Ուկրաինայի ԶՈւ-ի համար
Քաղաքականություն
14.10.2026 | 12:39
Ամերիկացի միլիարդատեր Իլոն Մասկին պատկանող SpaceX ընկերությունն Ուկրաինայի զինվորականների համար սահմանափակել է շարժման ընթացքում Starlink տերմինալների աշխատանքի արագությունը։ Այս մասին հայտնել է Ուկրաինայի նախագահի խորհրդական Սերգեյ Բեսկրեստնովը, գրում է «Европейская правда»-ն։
«Ներկայում սահմանափակումը վերաբերում է StarShield ծառայության «ռազմական փաթեթին», որի համար արագության սահմանաչափը սահմանվել է ժամում 100 մղոն։ Մեր պաշտպանական ուժերը նախապես չեն զգուշացվել այս սահմանափակման մասին, ինչի հետևանքով մի շարք առաքելություններ խափանվել են»,- հայտնել է Զելենսկիի խորհրդականը։
Նա չի բացառել, որ այդ գործողությունը պատահականություն չէ և «կապված է ներկայիս քաղաքական իրավիճակի հետ»։
Ուկրաինայի նախագահ Վլադիմիր Զելենսկին հայտարարել է, որ հոկտեմբերի լույս 14-ի գիշերը Ռուսաստանն Ուկրաինայի էներգետիկ ենթակառուցվածքների ուղղությամբ իրականացրել է նպատակային բալիստիկ հարված, ինչը ցույց է տվել ԱՄՆ-ի նկատմամբ աննախադեպ արհամարհանք։ Նա կոչ է արել Ամերիկային «կոշտ արձագանքել»։
Ավելի վաղ լրատվամիջոցները հայտնել էին, թե ԱՄՆ նախագահ Դոնալդ Թրամփի ներկայացուցիչներն ուրբաթ Ֆլորիդայում ուկրաինական պատվիրակության հետ բանակցությունների ընթացքում սպառնացել են դադարեցնել Ուկրաինային հետախուզական տվյալների տրամադրումը՝ ռուսական նավթավերամշակման գործարաններին հասցված հարվածների պատճառով։ Ինքը՝ Թրամփը, հոկտեմբերի 13-ին հերքել է Ուկրաինային ամերիկյան հետախուզական տվյալների տրամադրումը դադարեցնելու մասին տեղեկությունը։
Թարգմանությունը՝ Էմմա Չոբանյանի
