24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
Իսրայելի կործանիչները հարվածել են հութիների օբյեկտներին Եմենի մայրաքաղաքում, այդ թվում՝ նախագահի պալատին
Քաղաքականություն
24.08.2025 | 19:17
Իսրայելի պաշտպանության բանակը (ՑԱՀԱԼ) տեղեկացրել է, որ օգոստոսի 24-ի ցերեկը հարվածներ է հասցրել հութիների ռազմական օբյեկտներին Սանայում՝ Եմենի մայրաքաղաքում, փոխանցում է DW-ն։
Սանայում իսրայելական կործանիչների կողմից թիրախավորված օբյեկտների թվում են եղել ռազմական համալիրը, որտեղ տեղակայված է նախագահի պալատը, երկու էլեկտրակայան, ինչպես նաև վառելիքի պահեստ։
«Սանայի շրջանի նախագահի պալատը գտնվում է ռազմական օբյեկտի տարածքում, որտեղ գործում են հութիների ահաբեկչական ռեժիմի զինված ուժերը»,-նշված է ՑԱՀԱԼ-ի հայտարարությունում։
Reuters-ի հաղորդմամբ՝ հութիների տվյալներով հարձակման հետևանքով Սանայում զոհվել է առնվազն երկու մարդ, ևս հինգը վիրավորվել են։
ՑԱՀԱԼ-ը հարվածները որակել է որպես պատասխան հութիների «բազմակի հարձակումներին» Իսրայելի և նրա բնակչության դեմ, այդ թվում՝ հրթիռային և անօդաչու գրոհներին։ Times of Israel-ը գրում է, որ օգոստոսի 22-ին հութիները Իսրայելի ուղղությամբ արձակել են անօդաչու թռչող սարք և կասետային զինամթերքով բալիստիկ հրթիռ։
Եմենյան հութիները հայտարարում են, որ հրթիռներով ու անօդաչուներով հարվածում են Իսրայելին՝ ի նշան համերաշխության Գազայի հատվածի պաղեստինցիների հետ։
