06.10.2026 | 10:00
ԱԺ քառօրյայի մեկնարկը` ՈՒՂԻՂ
Այն, ինչ բնական է համարվում Երևանի կենտրոնում, աննորմալ է դիտվում մայրաքաղաքից 5 կիլոմետր հեռու. ապաքաղաքական զրույց Խաչատուր Գասպարյանի հետ. ՏԵՍԱՆՅՈՒԹ
Հաղորդաշարեր
24.08.2025 | 21:00
Factor TV-ի A-politic հաղորդաշարի հյուրն է հոգեբան, «Ինթրա» հոգեկան առողջության կենտրոնի տնօրեն Խարատուր Գասպարյանը: Երկար ժամանակ նա ղեկավարել է Երևանի պետական բժշկական համալսարանի բժշկական հոգեբանության ամբիոնը: Հոգեբանության այդ ճյուղը, ի թիվս այլ հարցերի, ուսումնասիրում է, այսպես կոչված, սահմանային պաթոլոգիաները:
Բնութագրելով այդ երևույթը՝ հոգեբանը նշում է, որ դրա սահմանները բավականին պայմանական են և հաճախ որոշվում են սոցիալական միջավայրով: Այն, ինչ բնական է համարվում Երևանի կենտրոնում, աննորմալ է մայրաքաղաքից 5 կիլոմետր հեռու: Կամ նույնիսկ միևնույն աստիճանավանդակում ապրող հարևանների համար «նորմայի» ու «սահմանի» մասին պատկերացումները կարող են տարբեր լինել: Բայց, ընդհանուր առմամբ, պաթոլոգիայի մասին կարելի է խոսել, օրինակ, այն դեպքերում, եթե մարդը տեղի-անտեղի բարկանում է. եթե բարկությունն է նրան իշխում, ոչ թե ինքը՝ բարկությանը, ապա այստեղ կարելի է արդեն մտածել պաթոլոգիական դրսևորումների մասին:
Խոսելով սթրեսների և տրավմաների հաղթահարման մասին՝ Խաչատուր Գասպարյանն առաջարկում է սկզբից հասկանալ, թե որն է մարդու, բուժառուի ուզածը: Հոգեբանը չի կարծում, որ այցելուին պարտադիր պետք է ստիպել, որ նա պատմի իր անցյալի տրավմատիկ փորձի մասին: Նման փորձի ճնշումը, դուրս մղումը, մոռացությունը նույնպես չպետք է գերնպատակ լինի: Երբեմն ավելի նպատակահարմար է, որ մարդը կարողանա ապրել իր տրավմայի հետ և օգտագործի այն՝ ապագան կերտելու համար:
Մանրամասները՝ տեսանյութում:
Արամ Աբրահամյան
