04.10.2026 | 20:00
1700 տոննա աղբ՝ օրական․ ինչ գնով է մաքրվում Երևանը. աղբահանության ՇԵՐՏԵՐԸ․ ՏԵՍԱՆՅՈւԹ
Իմ գնած վերջին «պայթուցիկը» կրակայրիչն է. Դավիթ Գալստյան. ՏԵՍԱՆՅՈՒԹ
Քաղաքականություն
22.08.2025 | 19:08
«Ես շատ հանրահավաքների եմ մասնակցել, սակայն այդ ընթացքում ո՛չ բերման եմ ենթարկվել, ո՛չ էլ վարչական պատասխանատվության եմ ենթարկվել»,- այս մասին այսօր իր խափանման միջոցի քննության ընթացքում ասաց Արցախի Ազգային ժողովի նախկին պատգմավոր Դավիթ Գալստյանը՝ պնդելով, որ ինքը որևէ հանցանք չի կատարել:
«Ինչ վերաբերում է պայթուցիկներին, մեղադրող կողմն ամեն ծնունդի ու Ամանորի հրավառություն է անում, իսկ մեր տանը 2020 թվականից մինչև այսօր անգամ տոնածառ չենք դնում, քանի որ երեխաներիս քեռին անհետ կորած է։ Իմ գնած վերջին պայթուցիկը կրակայրիչն է, եթե դա համարվում է ահաբեկչություն կազմակերպելու իր, ապա մտածում եմ՝ մենք տեղերով պիտի փոխվենք մեղադրողների հետ»,- ասաց Գալստյանը:
Դատարանում ելույթ ունեցավ նաև նրա պաշտպանը՝ մանրամասն անդրադառնալով այն հարցին, որ առկա չէ իր պաշտպանյալի նկատմամբ կալանքը որպես խափանման միջոց պահպանելու հիմք, մինչդեռ մեղադրանքի կողմը պնդեց, որ առկա են Գալստյանին կալանքի տակ պահելու օրենքով նախատեսված բոլոր հիմքերը: Դատարանը որոշեց 3 ամսով երկարացնել Գալստյանի կալանքի ժամկետը:
Մանրամասները՝ տեսանյութում:
