06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռուսական կողմը զանգվածային հարվածներ է հասցրել Օդեսային և Սումիին․ տուժածների թվում երեխաներ կան
Քաղաքականություն
20.08.2025 | 10:06
Ռուսական բանակը զանգվածային հարվածներ է հասցրել Ուկրաինայի Օդեսայի մարզին։ Իզմայիլում հարձակման հետևանքով ենթակառուցվածքային օբյեկտներ և արտադրական տարածքներ են վնասվել, գրում է BBC-ի ռուսական ծառայությունը։
Մարզային վարչակազմի ղեկավար Օլեգ Կիպերը հաղորդել է մեկ վիրավորի մասին։
Ուկրաինայի արտակարգ իրավիճակների պետական ծառայությունը հայտնում է, որ հարձակման թիրախը եղել է վառելիքաէներգետիկ ենթակառուցվածքների օբյեկտը, որտեղ հարձակումից հետո խոշոր հրդեհ է բռնկվել։
Միաժամանակ, Ռուսաստանի հետ սահմանի մոտ գտնվող Սումիի մարզի Ախտիրկա քաղաքում ռուսական զանգվածային հրետակոծության հետևանքով վիրավորվել է 12 մարդ, այդ թվում՝ երեխաներ, հաղորդել է Ուկրաինայի ազգային ոստիկանությունը։
«Գիշերը զանգվածային անօդաչու թռչող սարքերով հարվածներ են հասցվել Ախտիրկա քաղաքին։ Հարձակման հետևանքով վիրավորվել է 12 մարդ, այդ թվում՝ երկու երեխա։ Վնասվել են բազմաբնակարան շենք, 13 մասնավոր տուն, օժանդակ շինություն և ավտոտնակ»,- ասվում է հաղորդագրության մեջ։
