07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Սամվել Կարապետյանը նոր դատական հայց է ներկայացրել բլոգեր Ռոման Բաղդասարյանի դեմ
Հասարակություն
18.08.2025 | 12:13
Գործարար Սամվել Կարապետյանը նոր դատական հայց է ներկայացրել բլոգեր Ռոման Բաղդասարյանի դեմ։ Այս մասին տեղեկանում ենք «Դատալեքս» դատական-տեղեկատվական համակարգից։ Հայցադիմումը դատարան է ներկայացվել օգոստոսի 15-ին, Կարապետյանը դատարանից խնդրում է Բաղդասարյանին պարտավորեցնել հրապարակայնորեն ներողություն խնդրել Սամվել Կարապետյանից և բռնագանձել 3 մլն դրամ՝ որպես վիրավորանքի համար փոխհատուցում, ինչպես նաև բլոգերից հօգուտ Սամվել Կարապետյանի բռնագանձել դատական ծախսի գումարը՝ կազմված պետական տուրքի և փաստաբանի խելամիտ վարձատրության գումարներից։
Դատական-տեղեկատվական համակարգում առկա չեն տեղեկություններ, թե Ռոման Բաղդասարյանի կոնկրետ ո՞ր արտահայտություններն են պատճառ դարձել նրա դեմ հայց ներկայացնելու համար։ Ըստ համակարգում առկա տեղեկատվության՝ գործը մակագրվել է դատավոր Դանիել Մխեյանին, սակայն դեռևս նշում չկա՝ դատավորն այն վարույթ ընդունե՞լ է, թե՞ ոչ։
Նշենք, որ մինչ այս Կարապետյանը ևս երկու դատական հայց է ներկայացրել Բաղդասարյանի դեմ։
Արաքս Մամուլյան
