26.02.2026 | 23:14
Դավոսի Համաշխարհային տնտեսական ֆորումի նախագահը հրաժարական է տվել Էփշտեյնի հետ կապերի պատճառով
Սերբիայում ցույցի մասնակիցները հրկիզել են նախագահի կուսակցության գրասենյակը և քաղաքային վարչակազմի շենքը
17.08.2025 | 11:29
Սերբիայում արդեն երրորդ օրն է՝ շարունակվում են երկրի նախագահ Ալեքսանդր Վուչիչի կողմնակիցների և նրա հակառակորդների բախումները: Վալևո քաղաքում հակակառավարական ցույցերի մասնակիցները հրկիզել են նախագահ Ալեքսանդր Վուչիչի կուսակցության գրասենյակը և քաղաքային վարչակազմի շենքը: Ոստիկանները շշեր, քարեր և ազդանշանային հրթիռներ նետած ցուցարարների նկատմամբ արցունքաբեր գազ են կիրառել: Այս մասին տեղեկացնում է DW-ն։
Սերբիայի ներքին գործերի նախարար Իվիցա Դաչիչը հայտարարել է, որ միջադեպերի մեծ մասը տեղի է ունեցել Բելգրադում, Նովի Սադում և Վալևոյում: Նրա խոսքով ՝ Վալևոյի փողոցներ է դուրս եկել մոտ 4000 մարդ, Նովի Սադում՝ մոտ 5000 մարդ։ Ձերբակալվել է 18 ցուցարար, վիրավորվել է ոստիկանության առնվազն մեկ աշխատակից։
Սերբիայում հակակառավարական ցույցերը սկսվել են 2024 թվականի նոյեմբերին՝ Նովի Սադի վերանորոգված երկաթուղային կայարանում բետոնե ծածկի փլուզումից հետո, այն ժամանակ զոհվել էր 16 մարդ։ Ցուցարարները համոզված են, որ ողբերգության պատճառը կոռուպցիան է, շինարարության ընթացքում անփութությունը: Նրանք պահանջում են նախագահ Վուչիչի հրաժարականն ու արտահերթ խորհրդարանական ընտրությունների անցկացումը:
