03.07.2026 | 15:32
Վայոց ձորում մեղրի փառատոն կանցկացվի
Ավելի քան 365 զոհ. ջրհեղեղներ Հնդկաստանում և Պակիստանում
17.08.2025 | 10:58
Հնդկաստանում և Պակիստանում ջրհեղեղների հետևանքով զոհերի թիվը գերազանցել է 365-ը: Այս մասին տեղեկացնում է DW-ն։
Հիմալայների շրջանում բնակավայրեր են հեղեղվել, բնակիչներից շատերը նախկինի պես անհետ կորած են համարվում։
Տարերային աղետների դեմ պայքարի տեղական գործակալության տվյալներով՝ ամենից շատ տուժել է Բուներ շրջանը Պակիստանի Հյուսիսային Հայբեր-Պահթունհվա նահանգում, որը սահմանակից է Աֆղանստանին: Փրկարարներն ու զինվորականները շարունակում են ողջ մնացածների որոնումները և մարմինները դուրս են բերում փլատակներից, եղանակային պայմանները դժվարացնում են աշխատանքը:
Հնդկաստանի իշխանությունները հայտնում են 65 զոհի և առնվազն 200 վիրավորի մասին: Փրկարարական գործողությունները շարունակվում են Հնդկաստանի կողմից վերահսկվող Քաշմիր շրջանի հատվածում։ Քիշթվար շրջանում 33 մարդ համարվում է անհետ կորած։
Նախօրեին տեղեկացրել էինք, որ Պակիստանում և Հնդկաստանում հորդառատ անձրևների հետևանքով առաջացած հանկարծակի հեղեղներն ու սելավները խլել են ավելի քան 250 մարդու կյանք։
