20.03.2026 | 11:12
Դեսպան Մկրտչյանը հանդիպումներ է ունեցել ԱՄՆ Կոնգրեսի հայկական հարցերով հանձնախմբի հետ
Առաջ հերոսություն էր ճշմարտություն ասելը, հիմա՝ լսելն ու ընկալելը. ապաքաղաքական զրույց Միքայել Դովլաթյանի հետ. ՏԵՍԱՆՅՈՒԹ
Հաղորդաշարեր
17.08.2025 | 21:00
Factor TV-ի A-politic հաղորդաշարի հյուրն է կինոռեժիսոր, դերասան և պրոդյուսեր Միքայել Դովլաթյանը: Նրա կարծիքով՝ կինոն կարող է անդրադառնալ սկզբունքորեն ցանկացած թեմայի: Սակայն հաղորդման հյուրն անում է այն վերապահումը, որ վերջերս տեղի ունեցած իրադարձություններին (օրինակ՝ պատերազմին) անդրադառնալով՝ դժվար է բարձրարժեք արվեստ ստեղծել: Ժամանակ է անհրաժեշտ՝ այդ իրադարձություններն իմաստավորելու համար։
Ռեժիսորի ֆիլմերից մեկը կոչվում է «Քանի դեռ կամ» և նվիրված է Երևանին: Ինքնին այդ անվանումն իր մեջ տագնապ է պարունակում՝ արդյո՞ք կարելի է ենթադրել, որ Երևանը կարող է և չլինել: Ի պատասխան այս հարցի՝ Դովլաթյանն ասում է. «Այո՛, մեր վերաբերմունքն այս քաղաքին այնպիսին է, որ Երևանը կարող է նեղանալ, շուռ գալ և գնալ»:
Ի՞նչ կցանկանար Դովլաթյանը, որ տեղի ունենար իր կյանքի օրոք: Արվեստագետը նշում է, որ, իր կարծիքով, վերջին տարիներին սուտն ավելի լայն տարածում է գտել, քան երբևէ: Իսկ ավելի կարևոր է այն, որ ճշմարտությունն այլևս չի ընկալվում, և հիմա հերոսություն է ոչ այնքան ասել ճշմարտությունը, որքան կարողանալ այն լսել և հասկանալ:
Մանրամասները՝ տեսանյութում:
Արամ Աբրահամյան
