17.02.2026 | 11:52
Ունեցանք ծանրամարտի աննախադեպ առաջնություն. Հայաստանի հավաքականի գլխավոր մարզիչ
Պուտինն ու Թրամփը կարող են քննարկել «Զանգեզուրի միջանցքի» նկատմամբ վերահսկողության հարցը․ Պետդումայի անդամ
Քաղաքականություն
15.08.2025 | 11:28
ՌԴ և ԱՄՆ նախագահներ Վլադիմիր Պուտինն ու Դոնալդ Թրամփը այսօր Ալյասկայում նախանշված հանդիպման ժամանակ կարող են քննարկել «Զանգեզուրի միջանցքի»՝ Հայաստանի և Ադրբեջանի տարածքների միջև տրանսպորտային երթուղու վերահսկողության հարցը: ՏԱՍՍ-ի հետ զրույցում այս մասին ասել է Պետդումայի ԱՊՀ, եվրասիական ինտեգրման և հայրենակիցների հետ հարաբերությունների հարցերի հանձնաժողովի փոխնախագահ Վիկտոր Վոդոլացկին:
Օգոստոսի 8-ին, Վաշինգտոնում ԱՄՆ նախագահ Դոնալդ Թրամփի հետ եռակողմ հանդիպումից հետո, ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը հռչակագիր ստորագրեցին խաղաղ կարգավորման և երկու երկրների միջև տրանսպորտային միջանցքի ստեղծման մասին: Այն կկոչվի «Թրամփի երթուղի՝ հանուն միջազգային խաղաղության և բարգավաճման»:
««Զանգեզուրի միջանցքի» վերահսկողության հարցը կքննարկվի Ռուսաստանի և Միացյալ Նահանգների նախագահների երկկողմ հանդիպման ժամանակ»,- ասել է գործակալության զրուցակիցը:
Ալյասկայում Պուտին-Թրամփ հանդիպման հիմնական թեման Ուկրաինայում պատերազմի դադարեցումն է։
