24.04.2026 | 23:32
Կապանում ջրանջատում կլինի
ԵՐԵՎԱՆԻ ԺԱՄԱՆԱԿՈՎ. Քաղաքական դաշտը պետք է բաժանել ոչ թե սևերի և սպիտակների, այլ խելոքների և հիմարների. Նիկոլայ Ծատուրյան. ՏԵՍԱՆՅՈՒԹ
Քաղաքականություն
20.10.2018 | 17:00
«Ես չեմ հասկանում, թե ինչու է Նիկոլ Փաշինյանը Հունան Պողոսյանին նշանակել Սյունիքի մարզպետի պաշտոնում։ Լինելով Փաշինյանի կողմնակիցը՝ ամեն դեպքում, կասկածում եմ նրա նշանակումների ճշտությանը։ Միևնույն ժամանակ չեմ ընդունում, որ այս կամ այն մարդուն նշանակում են տվյալ պաշտոնի՝ ըստ նրա կուսակցական պատկանելության, ոչ թե ըստ պրոֆեսիոնալիզմի։ Հույս ունեմ, որ խորհրդարանական ընտրություններից հետո այդ «օյինբազություններին» վերջ կդրվի»,- Factor.am-ի «Երևանի ժամանակով» զրուցաշարի ընթացքում նման տեսակետ է հայտնում բեմադրիչ Նիկոլայ Ծատուրյանը։
Նրա համոզմամբ՝ Փաշինյանի կառավարման օրոք մեր ունեցած ամենամեծ ձեռքբերումը կարծրատիպերը կոտրելը եղավ․ «Նախորդ պաշտոնյաներից շատերը կորցրել էին իրենց մարդկային դիմագիծը, բայց Փաշինյանը չկորցրեց, ինչը շատ հաճելի է։ Նրա օրոք քաղաքական դաշտում գույներ մտան, կյանքը հարստացավ։ Փաշինյանը լավ իմաստով կոմիկ է, և դա լավ է։ Եթե նա վարչապետ դառնալուց հետո, Աստված չանի, լրջանա, ներողություն, չեմ ուզի իրեն այդ պաշտոնում տեսնել։ Երբ հումորը վերանում է, սկսվում են պատերազմները»,- մեկնաբանում է բեմադրիչը։
Նա շեշտում է՝ քաղաքական դաշտը հարկավոր է բաժանել ոչ թե սևերի և սպիտակների, այլ խելոքների և հիմարների: «Շատ եմ ուզում, որ վարչապետի պաշտոնում կրկին ընտրվի Նիկոլ Փաշինյանը, բայց եթե ընտրվի մի անձնավորություն, որը ետ կբերի նախկին ռեժիմը, մենք կկորցնենք Հայաստանը, համատարած արտագաղթ կսկսվի, ինքս էլ կլինեմ արտագաղթողների թվում»,- ասում է պարոն Ծատուրյանը։
Մանրամասները՝ տեսանյութում։
Աննա Բաբաջանյան
