29.04.2026 | 10:20
Դրամն արժևորվել է․ արտարժույթների փոխարժեքները՝ ապրիլի 29-ի դրությամբ
Թուրքիան հայտարարել է, թե քրդական ուժերի հարձակումները վնասում են Սիրիայի միասնությանն ու տարածքային ամբողջականությանը
Քաղաքականություն
07.08.2025 | 23:14
Թուրքիայի պաշտպանության նախարարության աղբյուրները հայտնել են, որ Մանբիջում և Հալեպի արվարձաններում Սիրիայի կառավարության դեմ YPG-ի գլխավորած քրդական SDF խմբավորման վերջին հարձակումները վնասում են Սիրիայի քաղաքական միասնությանը և տարածքային ամբողջականությանը, փոխանցում է Turkiye today-ը:
Նախարարության աղբյուրները հինգշաբթի կայացած ամենշաբաթյա մամուլի ասուլիսից հետո պատասխանել են լրագրողների հարցերին՝ անդրադառնալով Սիրիայի կառավարության և SDF խմբավորման միջև լարվածության սրմանը, որին Անկարան անվանում է ահաբեկչական։ Պաշտպանության նախարարության աղբյուրները նշել են, որ SDF-y չի գործել մարտի 10-ին Սիրիայի կառավարության հետ ստորագրված համաձայնագրի համաձայն։
«Ուշադրությունից չի վրիպել այն, որ վերջերս SDF-ն ամրապնդել է իր դիրքերը՝ ուժ ստանալով Սիրիայի հարավում տեղի ունեցող բախումներից: SDF-ի կողմից Մանբիջում և Հալեպի արվարձաններում սիրիական կառավարության վրա վերջերս իրականացված հարձակումները վնասում են Սիրիայի քաղաքական միասնությանը և տարածքային ամբողջականությանը։ Մեր դիրքորոշման մեջ փոփոխություն չկա։ Թուրքիան շարունակելու է աջակցել Սիրիայի քաղաքական միասնությանը և տարածքային ամբողջականությանը։ Այս ուղղությամբ մենք շարունակում ենք աջակցել Սիրիայի վարչակազմի պայքարը ահաբեկչական կազմակերպությունների դեմ և շարունակում ենք նրա կողմից պահանջվող մարզումները, խորհրդատվությունը և տեխնիկական աջակցությունը՝ իր պաշտպանական և անվտանգության կարողությունները բարձրացնելու համար»,- նշել են աղբյուրները։
Հիշեցնենք, որ քրդական SDF-ն ավելի վաղ հայտնել է Սիրիայի հյուսիսում կառավարական ուժերի հետ բախումների մասին։
Թարգմանությունը՝ Էմմա Չոբանյանի
