Ամեն ինչը դարձել է «ֆասթ»՝ թատրոնը, քաղաքականությունը, սնունդը, սերը. ապաքաղաքական զրույց Նարեկ Դուրյանի հետ․ ՏԵՍԱՆՅՈՒԹ

Factor TV-ի A-politic հաղորդաշարի հյուրն է դերասան և ռեժիսոր Նարեկ Դուրյանը: Նրա ղեկավարած թատրոնը կոչվում է «Բոհեմ»: Դրա տակ նա հասկանում է նախառաջ ստեղծագործական ազատությունը, որևէ կարծրատիպի չենթարկվելը, ոչ թե անկանոն ապրելակերպը, ինչպես հաճախ վերծանվում է այդ բառը:

Նարեկ Դուրյանն իր թատրոնում ազատ է երկացանկի, ոճի, դերասանների ընտրության հարցում, բայց, մյուս կողմից, իր վրա է վերցնում է թատրոնի գործունեության կոմերցիոն ռիսկերը:

Պատասխանելով հարցին՝ արդյո՞ք տասնամյակների ընթացքում մարդկանց հումորի զգացողությունը փոխվել է, հաղորդման հյուրը կարծիք է հայտնում, որ հիմա ամեն ինչ արագության մեջ պետք է լինի՝ «ֆասթ-ֆուդի» օրինակով: Անհրաժեշտ է, մասնավորապես, թատերական ներկայացման առաջին իսկ րոպեներին մարդկանց ծիծաղեցնել, զվարճացնել: Իսկ դրա համար հաճախ պետք է լինում, որ հումորը լինի ցածրաճաշակ, գռեհիկ:

«Ես դողում եմ իմ հանդիսատեսի վրա, որովհետև նա այդպիսի հումոր չի ընդունում»,- ասում է ռեժիսորը:

Խոսելով երգիծանքի մասին՝ Նարեկ Դուրյանը նշում է, որ դերասանը, ռեժիսորը, արվեստագետը պետք է հասկանան, որ դրա առաջին թիրախը հենց ինքը՝ քննադատողն է: Եթե մարդը չի կարող ինքն իր վրա ծիծաղել, նրա ցանկացած քննադատություն կարող է դիտարկվել որպես վիրավորանք կամ դատավճիռ: Արվեստագետն արձանագրում է նաև, որ հայաստանցիներն ու սփյուռքահայերը տարբեր ձևով են արձագանքում հումորին և երգիծանքին:

Մանրամասները՝ տեսանյութում։

Արամ Աբրահամյան