06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Թրամփը հայտարարել է, որ Ուկրաինայում հրադադարի համար ՌԴ-ին տրվող 10-օրյա վերջնաժամկետը սկսվում է հուլիսի 29-ից
Քաղաքականություն
30.07.2025 | 11:21
ԱՄՆ նախագահ Դոնալդ Թրամփը հայտարարել է, որ Ռուսաստանը պետք է համաձայնի Ուկրաինայում հրադադարին մինչև օգոստոսի 8-ը, հակառակ դեպքում, կբախվի պատժամիջոցների, գրում է Politico-ն։
Ավելի վաղ Թրամփը 50-օրյա վերջնաժամկետ էր սահմանել Ուկրաինայի հետ համաձայնագրի համար՝ սպառնալով մաքսատուրքեր սահմանել, եթե համաձայնագիրը չկայանա։ Երկուշաբթի Մեծ Բրիտանիայի վարչապետ Քիր Սթարմերի հետ հանդիպման ժամանակ նա ասել էր, որ կրճատում է այդ վերջնաժամկետը մինչև «10 կամ 12 օր»։
«Կարծում եմ՝ այսօրվանից սկսած՝ դա կլինի 10-12 օր»,- ասել էր Դոնալդ Թրամփը՝ պատասխանելով լրագրողի հարցին, թե որքա՞ն է մտադիր կրճատել ՌԴ նախագահ Վլադիմիր Պուտինին Ուկրաինայի հակամարտությունը լուծելու համար տրված 50 օրը։
Երեքշաբթի Թրամփն ասել է, որ ժամանակը սպառվում է, և «այսօրվանից 10 օր է մնացել»։
«Եվ այդ դեպքում մենք մաքսատուրքեր ենք սահմանելու։ Ես չգիտեմ՝ դա կազդի՞ Ռուսաստանի վրա, թե՞ ոչ, քանի որ նա, ակնհայտորեն, ցանկանում է շարունակել պատերազմը», – ասել է Թրամփը։
ԱՄՆ նախագահը փոխել է իր դիրքորոշումը Ուկրաինայի պատերազմի վերաբերյալ՝ վերջերս «հիասթափություն» հայտնելով Ռուսաստանի նախագահ Վլադիմիր Պուտինի նկատմամբ։ Նա հայտարարել է, որ դեռևս տեղեկատվություն չի ստացել Ռուսաստանից նոր ժամանակացույցի վերաբերյալ։
«Եթե ուզում եք ճշմարտությունն իմանալ, մենք շատ անհեթեթություններ ենք լսում Պուտինից։ Նա միշտ շատ սիրալիր է, բայց պարզվում է՝ դա անիմաստ է»,- ավելի վաղ ասել էր Թրամփը։
Նա ափսոսանք է հայտնել, որ պատերազմի վերաբերյալ համաձայնություն չի եղել, քանի որ Ռուսաստանի լայնածավալ ներխուժումն Ուկրաինա սկսվել է 2022 թվականին, երբ նախագահն էր Ջո Բայդենը։
Իր երդմնակալությունից առաջ Թրամփը պնդում էր, որ կավարտի պատերազմն Ուկրաինայում իր երկրորդ ժամկետի առաջին օրը՝ մեղադրելով Բայդենին պատերազմի սկսվելը թույլ տալու համար։
Թարգմանությունը՝ Էմմա Չոբանյանի
