Սարի Թաղում բռնկված հրդեհը մեկուսացվել է ժամը 13:38-ին, մարվել՝ 14:37-ին: Այս մասին հաղորդում են ՆԳՆ փրկարար ծառայությունից։
«Հրշեջ-փրկարարներին հաջողվել է կանխել կրակի տարածումը: Դեպի հարակից բնակելի տներ տարածվելու վտանգը չեզոքացված է»,- նշված է հաղորդագորության մեջ:
Հիշեցնենք, որ այսօր ժամը 11:33-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սարի Թաղում հրդեհ է բռնկվել։ Դեպքի վայր էին մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը:
