06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Քննարկվել են Հայաստանի և Եթովպիայի երկրների միջև տնտեսական համագործակցության զարգացման հնարավորությունները
Տնտեսություն
28.07.2025 | 22:44
Աշխատանքային այցով Եթովպիայի Դաշնային Ժողովրդավարական Հանրապետությունում գտնվող ՀՀ էկոնոմիկայի նախարար Գևորգ Պապոյանը հուլիսի 28-ին հանդիպել է Եթովպիայի Հանքարդյունաբերության նախարար Հաբթամու Թեգեգնեին։ Այցին մասնակցել է նաև նախարարի տեղակալ Արման Խոջոյանը։ Այս մասին տեղեկացնում են ՀՀ էկոնոմիկայի նախարարությունից։
«Հանդիպման ընթացքում քննարկվել են երկու երկրների միջև տնտեսական համագործակցության զարգացման հնարավորությունները՝ հատկապես այն ոլորտներում, որտեղ առկա են փոխլրացնող հետաքրքրություններ և համատեղ աշխատանքի ներուժ։
Նախարար Պապոյանը ներկայացրել է Հայաստանի հնարավորությունները հանքարդյունաբերական քաղաքականության, տնտեսական ռազմավարական ուղղությունների և ներդրումային միջավայրի զարգացման համատեքստում՝ կարևորելով միջազգային գործընկերների հետ փորձի փոխանակումը»,- ասված է հաղորդագրությունում։
