09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Մեր թիմի ու քաղաքական ուղղության ղեկավարը կլինի Սամվել Կարապետյանը. Նարեկ Կարապետյան
Քաղաքականություն
27.07.2025 | 19:18
Մեր թիմի ու քաղաքական ուղղության ղեկավարը կլինի Սամվել Կարապետյանը, նրա աշխատանքային հովանու ներքո կգնանք առաջ։ Այս մասին լրագրողների հետ զրույցում ասել է Կարապետյանի եղբորոդի Նարեկ Կարապետյանը` մեկնաբանելով հորեղբոր՝ քաղաքականություն մուտք գործելու, որպես նոր ուժ դիրքավորվելու մտադրությունը:
«Մեր թիմի ու քաղաքական ուղղության ղեկավարը կլինի Սամվել Կարապետյանը, այսինքն՝ նրա աշխատանքային հովանու ներքո կգնանք առաջ: Բոլոր թե՛ տնտեսական, թե՛ սոցիալական, թե՛ արտաքին քաղաքականության հարցերով հետևելու են նրա նախանշած ուղուն, իսկ քաղաքական ուժը կձևավորվի պրոֆեսիանաթիզմի հենքի վրա»,- ասել է Նարեկ Կարապետյանը:
Միևնույն ժամանակ նա հարկ է համարել ընդգծել, որ Սամվել Կարապետյանի անցած ճանապարհը միանգամայն տարբերվում է ՀՀ նախկին ղեկավարների անցած ճանապարհներից, քանի որ այն տնտեսական ճանապարհ է:
Հիշեցնենք՝ ԱԱԾ մեկուսարանում գտնվող Սամվել Կարապետյանն հուլիսի 14-ին հայտարարեց՝ նոր քաղաքական ուժ է հիմնում։ Ռուսաստանաբնակ խոշոր գործարար, դոլարային միլիարդատեր, «Տաշիր» ընկերությունների խմբի սեփականատերը Հայաստանի ներքաղաքական գործընթացների մասնակից դարձավ շուրջ մեկ ամիս առաջ, երբ հրապարակային հայտարարություն արեց ի պաշտպանություն եկեղեցու և իշխող ուժին «խմբակ» անվանեց։
