15.02.2026 | 11:26
ԱՄՆ բանակը պատրաստվում է Իրանի դեմ երկարատև գործողության․ Reuters
ՀԾԿՀ նախագահը Ռոմանոս Պետրոսյանի նշանակման մասին. ՏԵՍԱՆՅՈՒԹ
Քաղաքականություն
24.07.2025 | 13:07
«Ժամանակավոր կառավարիչի նշանակման հարցը առաջ է եկել այն պահից, երբ կառավարության լիազոր մարմնի` տվյալ դեպքում տարածքային կառավարման և ենթակառուցվածքների նախարար Դավիթ Խուդաթյանի կողմից ՀԾԿՀ-ն ստացել է հաղորդագրություն։ Այնտեղ հարց է բարձրացվում ՓԲԸ-ի կառավարման մենեջմենթի և տեխնիկական սպասարկման վատ որակի, մատուցված ծառայությունների որակի, կատարված ներդրումների անարդյունավետության և նմանատիպ մի շարք կարևոր հարցերի վերաբերյալ։ Պետությունը հարց էր բարձրացնում, որ կարիք կա այս հարցերը ուսումնասիրելու և ամենակարևորը, որ վերջին հաշվով այս ամենը կարող է բերել երկրի էներգետիկ անվտանգության խաթարմանը»,- անդրադառնալով Ռոմանոս Պետրոսյանին ՀԷՑ ժամանակավոր կառավարիչ նշանակելու հարցին՝ ասաց Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը։
Անդրադառնալով ՀԷՑ-ում ներդրումային ծրագրերին` Մեսրոպյանը տեղեկացրեց, որ Կարապետյանները մինչև 2034 թվականն ունեն հաստատված ծրագրեր, որոնք որպես սեփականատերեր նրանք պարտավոր են շարունակել. «Այդ մասով մենք խնդիր չունենք, ինչ պլանավորել էին անելու, պարտավոր են անելու»։
Հարցին՝ հնարավո՞ր է էլեկտրաէներգիայի սակագնի փոփոխություն, ՀԾԿՀ հանձնաժողովի նախագահը ոչ հստակ պատասխան տվեց.
«Պնդել, որ միանշանակ սակագինը բարձրանալու է, նման բան այս պահին որևէ մեկը չի կարող ասել։ Իհարկե, չեմ բացառում թանկացումը, քանի որ այն կարող էր լինել առանց այս պրոցեսների, որովհետև էլեկտրաէներգիայի սակագինը բազմակոմպոնենտ թիվ է. այն կախված է արտարժույթի կուրսից, տվյալ տարվա փաստացի բալանսներից և այլ գործոններից, որովհետև էլեկտրաէներգիայի արտադրությունը պլանավորվում է, հետո վերջում այլ բան է ստացվում»,- նշեց Մեսրոպյանը։
Մանրամասները՝ տեսանյութում։
