06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Էրդողանն Անկարայում ընդունել է Ուկրաինայի նախագահի աշխատակազմի ղեկավարին
Քաղաքականություն
23.07.2025 | 18:32
Թուրքիայի նախագահ Ռեջեփ Թայիփ Էրդողանն Անկարայում ընդունել է Ուկրաինայի նախագահի աշխատակազմի ղեկավար Անդրեյ Երմակին։ TRT Haber-ը հաղորդում է, որ նախագահական համալիրում ընդունելությունը փակ է եղել մամուլի համար։
Երմակն իր հերթին է հայտնել, որ ուկրաինական պատվիրակությունն Անկարայում հանդիպում է ունեցել Թուրքիայի նախագահ Ռեջեփ Թայիփ Էրդողանի հետ՝ Ստամբուլում ռուսական կողմի հետ բանակցություններից առաջ։ Նրա խոսքով՝ Էրդողանի հետ բանակցությունների ընթացքում համաձայնեցվել են դիրքորոշումները Ստամբուլում ռուսական կողմի հետ հանդիպումից առաջ, ինչպես նաև քննարկվել են անվտանգության ոլորտում համագործակցության հարցեր, տարածաշրջանային կայունությանը սպառնացող մարտահրավերները, Ուկրաինայի և Թուրքիայի միջև պաշտպանական հետագա համագործակցության հեռանկարները։
«Շնորհակալություն հայտնեցինք Թուրքիային և նախագահ Էրդողանին Ռուսաստանի հետ պատերազմի ամբողջ ընթացքում Ուկրաինային ցուցաբերած հետևողական քաղաքական և անվտանգության աջակցության համար։ Մենք նաև երախտապարտ ենք Թուրքիային՝ Ուկրաինայի համար արդար և երկարատև խաղաղության հասնելուն ուղղված բանակցային հարթակ տրամադրելու և դիվանագիտական ջանքերը խթանելու պատրաստակամության համար»,- գրել է Երմակը սոցցանցերում։
Հավելենք՝ ԶԼՄ-ն ավելի վաղ հայտնել էին, որ ուկրաինական պատվիրակությունը ժամանել է Թուրքիա։ ՌԴ-ի հետ բանակցությունները նախատեսված են այսօր երեկոյան Ստամբուլում՝ տեղի ժամանակով 19։00-ին։
Թարգմանությունը՝ Էմմա Չոբանյանի
