08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Թրամփը սոցցանցում կիսվել է Ալիևի ելույթով
Քաղաքականություն
22.07.2025 | 11:10
ԱՄՆ նախագահ Դոնալդ Թրամփը Truth Social սոցցանցում կիսվել է Ադրբեջանի նախագահ Իլհամ Ալիևի՝ հայաթափված Ստեփանակերտում կայացած Գլոբալ մեդիա ֆորումի ժամանակ ունեցած ելույթից մի հատվածով։
Դրանում Ալիևը գովաբանում է Թրամփին՝ խոսելով նախագահական ընտրություններում նրա հաղթանակի նախընտրության մասին, ինչպես նաև շնորհակալություն է հայտնել Հայաստանի ու Ադրբեջանի միջև խաղաղության գործընթացին աջակցելու համար։
«Նա ԱՄՆ միակ նախագահն է, որը պատերազմ չի սկսել։ Ակնհայտ է նաև, որ իր պաշտոնավարման կարճ ժամանակահատվածում նա ձգտել է վերջ դնել առկա հակամարտություններին։ Մենք նաև շնորհակալ ենք նրան իր անձնական ձգտման համար՝ օգնելու Հայաստանին և Ադրբեջանին վերջապես հասնելու խաղաղության համաձայնագրին։ Չնայած նա զբաղված է միջազգային անվտանգության ավելի գլոբալ հարցերով, իր օրակարգում է պահում Հարավային Կովկասում տիրող իրավիճակը»,- հայտարարել է Ալիևը։
Թարգմանությունը՝ Էմմա Չոբանյանի
