07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
ԵՄ-ն պատժամիջոցներ է սահմանել թուրքական ընկերությունների նկատմամբ ՌԴ-ի դեմ սահմափակումների փաթեթի շրջանակում
Քաղաքականություն
18.07.2025 | 21:42
Ռուսաստանի նկատմամբ Եվրամիության սահմանած հերթական պատժամիջոցների թիրախում երրորդ երկրներում գործող 11 ընկերություններից չորսը թուրքական են, որոնք մեղադրվում են գործող սահմանափակումները շրջանցելուն նպաստելու մեջ։ Այս մասին են վկայում Euractiv-ի դիվանագիտական աղբյուրները, գրում է Turkiye today-ը։
Դիվանագիտական աղբյուրների տվյալներով՝ պատժամիջոցների տակ գտնվող ընկերություններից յոթը Չինաստանից են, այդ թվում՝ երեքը՝ Հոնկոնգից, չորսը՝ Թուրքիայից։ Պատժամիջոցների տակ է հայտնվել նաև Հնդկաստանում գտնվող ռուսական սեփականության ներքո գործող նավթավերամշակման գործարանը։
ԵՄ անդամ պետությունները ուրբաթ հաստատել են համապարփակ պատժամիջոցների փաթեթը, այն բանից հետո, երբ Սլովակիան հանել է շաբաթներ տևած վետոն։
Եվրոպաահանձնաժողովի նախագահ Ուրսուլա ֆոն դեր Լեյենը ողջունել է Ռուսաստանի դեմ պատժամիջոցների 18-րդ փաթեթի ընդունումը։
Պատժամիջոցներն արգելում են գործարքները 22 ռուսական բանկերի և Ռուսաստանի ուղղակի ներդրումների հիմնադրամի ու դրա դուստր ձեռնարկությունների հետ։ ԵՄ-ն Ռուսաստանի «ստվերային նավատորմում» ներառել է 105 նավ, ինչը արգելված նավերի ընդհանուր թիվը հասցնում է ավելի քան 400-ի։
Թարգմանությունը՝ Էմմա Չոբանյանի
