15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
ՀՀ ԱԳ փոխնախարարը Նիդերլանդների գյուղատնտեսության նախարարության գլխավոր տնօրենին է ներկայացրել ՀՀ տեսլականը COP17-ի վերաբերյալ
Քաղաքականություն
16.07.2025 | 22:27
Հայաստանի Հանրապետության ԱԳ նախարարի տեղակալ Ռոբերտ Աբիսողոմոնյանը հանդիպել է Նիդերլանդների Թագավորության գյուղատնտեսության, ձկնորսության, սննդի անվտանգության և բնության նախարարության գլխավոր տնօրեն Մարկ Ռոսկամ Աբինգի հետ: Այս մասին տեղեկացնում է ԱԳՆ-ն։
«ԱԳ նախարարի տեղակալ Ռոբերտ Աբիսողոմոնյանը ներկայացրել է ՀՀ առաջնայնությունները և տեսլականը՝ 2026թ. Երևանում կայանալիք Կենսաբանական բազմազանության մասին ՄԱԿ-ի կոնվենցիայի կողմերի 17-րդ համաժողովի (COP17) և դրա արդյունավետ անցկացման վերաբերյալ:
ՀՀ ԱԳ նախարարի տեղակալը նշել է համաժողովի անկյունաքարային դերը Կունմին-Մոնրեալի կենսաբազմազանության գլոբալ շրջանակի հանձնառությունների առաջին գլոբալ վերանայման համար, և այս համատեքստում ընդգծել է բոլոր շահագրգիռ կողմերի ջանքերի համադրման անհրաժեշտությունը:
Զրուցակիցները մտքեր են փոխանակել Համաժողովի շրջանակներում Հայաստանի և Նիդերլանդների միջև համագործակցության հեռանկարների վերաբերյալ»,- ասվում է հաղորդագրությունում:
