29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՀՀ ԱԳ փոխնախարարը և ՄՔԴ նախագահը ընդգծել են ՄՔԴ կողմից անկախ և անաչառ մոտեցման պահպանման կարևորությունը
Քաղաքականություն
16.07.2025 | 21:55
ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Միջազգային քրեական դատարանի նախագահ Տոմոկո Ականեի և գլխավոր քարտուղար Օսվալդո Ջավալա Գիլերի հետ: Այս մասին տեղեկացնում են ՀՀ ԱԳՆ-ից՝ նշելով, որ հանդիպմանը մտքեր են փոխանակվել Հայաստանի Հանրապետության և Միջազգային քրեական դատարանի միջև առկա համագործակցության հեռանկարների վերաբերյալ: Ընդգծվել է ՄՔԴ կողմից անկախ և անաչառ մոտեցման պահպանման կարևորությունը՝ օրինահեն և փաստահեն արդարադատության ապահովման համար:
ԱԳ նախարարի տեղակալը ներկայացրել է Հռոմի կանոնադրությամբ նախատեսվող պարտավորություններին համապատասխանեցման ուղղությամբ Հայաստանի կողմից իրականացվող ներքին իրավական գործընթացների մանրամասները: Այս համատեքստում ընդգծվել է միջազգային փորձիև տեխնիկական օժանդակության կարևորությունը:
Միջազգային քրեական դատարան այցի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է նաև ՄՔԴ դատախազի տեղակալ Մեյմ Նիանգի հետ:
