29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իսրայելը հարվածել է Դամասկոսում Սիրիայի նախագահական պալատին․ ՏԵՍԱՆՅՈՒԹ
Քաղաքականություն
16.07.2025 | 17:51
Սիրիական լրատվամիջոցները հաղորդում են Դամասկոսում Սիրիայի նախագահական պալատին Իսրայելի կողմից նոր ավիահարվածի մասին։ Համացանցում տարածվում են նաև հարվածի տեսանյութերը։ Նշվում է, որ երկու հարված է եղել։
Ըստ Times of Israel-ի՝ Իսրայելի բանակը այս հաղորդումները դեռևս չի մեկնաբանել։
Իսրայելի պաշտպանության նախարար Իսրայել Կացը հրապարակել է սիրիական հեռուստատեսության տեսանյութը, որտեղ երևում է Դամասկոսի կենտրոնին իսրայելական հարվածը։
«Ծանր հարվածները սկսվել են»,- գրել է Կացը X-ում։
Ավելի վաղ նա Սիրիային զգուշացրել էր ծանր հարվածների մասին, եթե ռեժիմի ուժերը չհեռանան հարավում գտնվող հիմնականում դրուզներով բնակեցված Սուեյդա քաղաքից։
Ըստ Կացի՝ «Իսրայելի պաշտպանության բանակը կշարունակի ուժային գործողություններ իրականացնել Սուեյդայում՝ դրուզների վրա հարձակված ուժերին ոչնչացնելու համար մինչև նրանց լիակատար նահանջը»։
Միաժամանակ, համացանցում տարածվում են կադրեր, որոնցից պարզ է դառնում, որ Իսրայելի բանակը, կարծես, ծանր ռմբակոծել է Դամասկոսում գտնվող Սիրիայի գլխավոր շտաբի հրամանատարական շենքը։ Դամասկոսում գտնվող ռազմական շտաբի շենքին մի քանի ավիահարված է հասցվել։ Իսրայելական կողմը հաստատել է հարվածը։
Հիշեցնենք, որ այսօր ավելի վաղ Իսրայելի պաշտպանության նախարար Իսրայել Կացը հայտարարել էր, որ իսրայելական բանակը կշարունակի հարվածել Սիրիայի կառավարական ուժերին, եթե նրանք չհեռանան դրուզներով բնակեցված սիրիական Սուեյդա քաղաքից։ Այսօր առավոտյան նոր բախումներ են գրանցվել սիրիական ուժերի և դրուզների միջև Սիրիայի հարավային Սուեյդա քաղաքում՝ հրադադարի հայտարարումից ընդամենը մի քանի ժամ անց։
Թարգմանությունը՝ Էմմա Չոբանյանի
