07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Իսրայելի բանակը հայտնում է, որ հարվածել է Դամասկոսում ռազմական շտաբին
Քաղաքականություն
16.07.2025 | 14:49
Իսրայելն օդային հարված է հասցրել Դամասկոսին։ Տեղական լրատվամիջոցների հաղորդմամբ՝ Սիրիայի մայրաքաղաքում պայթյուն է լսվել անօդաչու թռչող սարքի թռիչքից հետո։ Իսրայելի բանակը հաստատել է, որ Դամասկոսում որոշ ժամանակ առաջ անօդաչու թռչող սարքով հարված է հասցրել սիրիական ռազմական շտաբին, գրում է The Times of Israel-ը։
«Իսրայելի բանակը շարունակում է հետևել Սիրիայի հարավում դրուզ քաղաքացիական բնակչության դեմ զարգացումներին և գործողություններին և, համաձայն քաղաքական վերնախավի հրահանգների, հարձակվում է տարածքի վրա և պատրաստ է տարբեր սցենարների»,- ասվում է հայտարարության մեջ։
Սիրիական լրատվամիջոցները հաղորդում են, որ Դամասկոսի վրա Իսրայելի հարվածի հետևանքով վիրավորվել է երկու քաղաքացիական անձ։
Հիշեցնենք, որ այսօր ավելի վաղ Իսրայելի պաշտպանության նախարար Իսրայել Կացը հայտարարել էր, որ իսրայելական բանակը կշարունակի հարվածել Սիրիայի կառավարական ուժերին, եթե նրանք չհեռանան դրուզներով բնակեցված սիրիական Սուեյդա քաղաքից։ Այսօր առավոտյան նոր բախումներ են գրանցվել սիրիական ուժերի և դրուզների միջև Սիրիայի հարավային Սուեյդա քաղաքում՝ հրադադարի հայտարարումից ընդամենը մի քանի ժամ անց։
Թարգմանությունը՝ Էմմա Չոբանյանի
