31.01.2026 | 19:00
Ֆիրդուսից հանեցին մարդկանց, որ հարուստներ ապրեն, նույնը լինելու է Կոնդում և Նորագյուղում. Պետրոսյան. ՏԵՍԱՆՅՈՒԹ
Քննադատի խնդիրը ստեղծագործողին «ծնկի բերելը» չէ՝ նրան օգնելն է. ապաքաղաքական զրույց Աննա Ասատրյանի հետ. ՏԵՍԱՆՅՈՒԹ
Հաղորդաշարեր
13.07.2025 | 21:00
Factor TV-ի A-politic հաղորդաշարի հյուրն է ԳԱԱ Արվեստի ինստիտուտի տնօրեն, արվեստագիտության դոկտոր, պրոֆեսոր Աննա Ասատրյանը:
Նրա կարծիքով՝ որքան էլ սուղ լինեն անկախ Հայաստանի միջոցները, արվեստագիտության զարգացումը ռազմավարական նշանակություն ունի, քանի որ արվեստի գիտական ուսումնասիրությունը, ի վերջո, նպաստում է մեր մշակույթի՝ աշխարհում հանրաճանաչելի դարձնելուն:
Անդրանդառնալով Ակադեմիական քաղաքի խնդրին՝ հաղորդման հյուրն ուշադրություն է դարձնում ստեղծագործական բուհերի առանձնահատկությունների վրա: Օրինակ, արվեստաբանությունն ու երաժշտական կատարողական արվեստն իրարից ավելի շատ են բաժանված, քան, ասենք, բուհում քիմիայի դասավանդումը. քիմիայի դասախոսը պարտավոր է գիտնական լինել, ջութակի դասախոսը՝ ոչ:
Աննա Ասատրյանը հիշեցնում է նաև, որ կոնսերվատորիան Պետհամալսարանից հետո Հայաստանի ամենահին բուհն է, և նա չի պատկերացնում, թե ինչպես է հնարավոր այդ բուհը միացնել «արվեստի կլաստերին»:
Պատասխանելով հարցին, թե ի՞նչ գործառույթներ ունի երաժշտական քննադատությունը, արվեստաբանն ասում է, որ երբեք չի փորձել «ծնկի բերել» կոմպոզիտորին կամ կատարողին: «Քննադատել» պարտադիր չի նշանակում «բացահայտել թերությունները». դա, ըստ հաղորդման հյուրի, ավելի շուտ օգնություն է ստեղծագործողին՝ լուծել իր առջև դրված խնդիրները:
Մանրամասները՝ տեսանյութում:
Արամ Աբրահամյան
