08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ջերմությամբ եմ հիշում Բուենոս Այրեսում կայացած մեր հանդիպումները. ՀՀ նախագահը շնորհավորել է Արգենտինայի նախագահին
Քաղաքականություն
09.07.2025 | 22:58
Հանրապետության նախագահ Վահագն Խաչատուրյանը շնորհավորական ուղերձ է հղել Արգենտինայի Հանրապետության նախագահ Խավիեր Միլեյին ազգային տոնի՝ Անկախության օրվա կապակցությամբ: Այս մասին տեղեկացնում են նախագահի աշխատակազմից։
«Հայաստանը կարևորում է Արգենտինայի հետ բարեկամական հարաբերությունների և կառուցողական երկխոսության շարունակական զարգացումն ինչպես երկկողմ, այնպես էլ բազմակողմ հարթակներում:
Բարձր եմ գնահատում մեր միջև ձևավորված անձնական հարաբերությունները: Ջերմությամբ եմ հիշում Բուենոս Այրեսում կայացած մեր հանդիպումները, որոնց ընթացքում արդյունավետ քննարկումներ ունեցանք միջպետական կապերի ընդլայնման հեռանկարների շուրջ:
Համոզված եմ, որ համատեղ ջանքերի շնորհիվ մեր երկրների համագործակցությունն առավել կամրապնդվի՝ ի շահ մեր ժողովուրդների»,- մասնավորապես ասվում է ուղերձում:
