07.12.2025 | 14:58
Ձյուն և ձնախառն անձրև․ օդի ջերմաստիճանը զգալի կնվազի
ՊԵԿ նախագահը և ՀՀ-ում ՎԶԵԲ ղեկավարը քննարկել են սահմանային անցակետերում ենթակառուցվածքների արդիականացման հարցեր
Հասարակություն
09.07.2025 | 21:38
Պետական եկամուտների կոմիտեի նախագահ Էդուարդ Հակոբյանը և Հայաստանում Վերակառուցման և զարգացման եվրոպական բանկի ղեկավար Գեորգի Ախալկացին քննարկել են ՎԶԵԲ աջակցությամբ ՊԵԿ ենթակառուցվածքների արդիականացման գործող ծրագրերը։ Մասնավորապես, Մեղրիի (Ագարակ) անցակետի, Երևանի և Սյունիքի մաքսային և լոգիստիկ կենտրոնների կառուցման ծրագրերի ընթացիկ վիճակը, խնդիրներն ու հնարավոր լուծումները։ Այս մասին տեղեկացնում է ՊԵԿ-ը։
ՊԵԿ նախագահը բարձր է գնահատել ՎԶԵԲ-ի կողմից տրամադրվող շարունակական աջակցությունն՝ ուղղված ՀՀ մաքսային ենթակառուցվածքների արդիականացմանը։
«Անդրադարձ է կատարվել ՎԶԵԲ-ի հետ իրականացվող ծրագրերին, այդ թվում՝ սահմանային անցակետերում ենթակառուցվածքների արդիականացմանը, ինչպես նաև ենթակառուցվածքների զարգացման նախագծերի կառավարմանն ուղղված օժանդակության ծրագրին։ Նախանշվել են նաև այդ ծրագրերի հաստատման ուղղությամբ ձեռնարկվող քայլերը։
Հանդիպման ավարտին կողմերը քննարկել են համագործակցության նոր հեռանկարներ՝ ուղղված մաքսային փորձաքննության և ուսումնական կարողությունների զարգացանը»,- ասված է հաղորդագրությունում։
