23.05.2026 | 12:34
Մարմարիկի ճանապարհին «Mercedes-Benz»-ը մոտ 15 մ գլորվել է ձորակը և բռնկվել․ 3 տուժած հոսպիտալացվել է
Բաքվում քննարկել են ՀՀ-ի հետ սահմանի սահմանագծումն ու սահմանազատումը
Քաղաքականություն
08.07.2025 | 13:08
Բաքվում անցկացված «Ադրբեջանի արտաքին քաղաքականությունը ինքնիշխանության վերականգնումից հետո. առաջնահերթություններ և մարտահրավերներ» թեմայով Ադրբեջանի դիվանագիտական ծառայության մարմինների ղեկավարների 9-րդ հանդիպման՝ «Կասպից ծով, սահմանների սահմանազատում, միջազգային պայմանագրեր» վեցերորդ պանելային քննարկման շրջանակում դիտարկվել են հայ-ադրբեջանական սահմանի սահմանազատման և սահմանագծման ծրագրերը: Այս մասին հայտնում է Ադրբեջանի ԱԳՆ-ն։
Ըստ հաղորդագրության՝ հիմնական զեկուցողը եղել է փոխարտգործնախարար Սամիր Շարիֆովը։
Քննարկվել են Կասպից ծովի իրավական կարգավիճակի որոշման վերաբերյալ առկա իրավիճակը, Ադրբեջանի և Հայաստանի միջև սահմանի սահմանազատման և սահմանագծման ծրագրերը, ինչպես նաև երկկողմ և բազմակողմ միջազգային իրավական բազայի մշակման հարցերը։
Բացի այդ, տեղի է ունեցել «Դատական գործընթացների ռազմավարություններ» թեմայով պանելային քննարկում։ Ուշադրություն է դարձվել Ադրբեջանի կողմից նախաձեռնված միջազգային դատական գործընթացներին, իբր, «Հայաստանի ռազմական ագրեսիայի հետևանքով կատարված բազմաթիվ հանցագործությունների մեջ մեղադրվող անձանց դեմ հարուցված դատական գործերին»։
Թարգմանությունը՝ Էմմա Չոբանյանի
