Հաղորդաշարեր
05.07.2025 | 19:00«Աբովյան, Նալբանդյան, Հանրապետության փողոցները միակողմանի են, բայց տեսնում ենք, որ խցանումները շատ են և սկզբունքորեն չեն լուծում քաղաքի երթևեկության հարցերը: Սարյանի միակողմանի դառնալը հարցի լուծում չէ, ծանրաբեռնվածությունը մնալու է: Պետք է կառուցել քաղաքը շրջանցող փողոցներ, ներդրումներ անել օղակաձև փողոցների մեջ, որոնք չեն մտնի քաղաքի կենտրոն, չպետք է թույլ տալ, որ բեռնատար փողոցները ցերեկը մտնեն քաղաքի կենտրոն»,-Factor TV-ի հետ զրույցում նշում է ճարտարապետ Անահիտ Թարխանյանը:
«Հայփոստ»-ի վարչական մասնաշենքի փոխարեն նախատեսվում է կառուցել Երևանի համար աննախադեպ բարձր հարկայնությամբ երկնաքեր: Անահիտ Թարխանյանի համոզմամբ` այդպիսով` կկորցնենք Կոնդը` Երևանում պահպանված վերջին պատմական թաղամասերից մեկը. «Այդ շենքը որքանո՞վ կկարողանա կապվել քաղաքի կենտրոնի հետ, ինչպե՞ս է Սարյան փողոցն աշխատելու, տարածքը փոքր է: Եթե լինելու են ճարտարապետական թերահաս ծավալատարածական, ոչ խորը մտածված լուծումներ, ինչպիսիք Օրբելու փողոցի երկնաքերերի դեպքում են, դա շատ տխուր և ամոթ կլինի»:
Ճարտարապետի խոսքով` վերջին 6 տարիներին շուրջ 20 հազար շինթույլտվության արդյունքում Երևանում հատվեցին կանաչ տարածքները, նսեմացվեցին քաղաքացու իրավունքները. «Թամանյանը երկար տարիներ պայքարեց, որպեսզի ունենանք պրոգրեսիվ Երևան, կանաչ քաղաքների գաղափարախոսությունը բերեց`վերցնելով միջազգային փորձից, իսկ մենք վերջին 100 տարում գնացինք հետ` ուղտերով Երևան»:
Մանրամասները`տեսանյութում:
Աննա Բաբաջանյան
