ԱՄՆ-ը որոշ զենքերի մատակարարումը դադարեցրել է ոչ միայն Ուկրաինային, այլև մի շարք այլ երկրների․ CBS News

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Սպիտակ տունը հաստատել է, որ Միացյալ Նահանգները դադարեցնում է Ուկրաինային որոշ զինատեսակների մատակարարումները՝ Ռուսաստանի հետ պատերազմի ֆոնին։ Սպիտակ տան խոսնակ Աննա Քելլին CBS News-ին տված մեկնաբանությունում ասել է, որ «որոշումը կայացվել է՝ Ամերիկայի շահերն առաջնահերթ համարելու համար՝ Պաշտպանության նախարարության կողմից «այլ երկրներներին մեր երկրի ռազմական աջակցության և օգնության վերանայումից հետո»։

ԱՄՆ մի պաշտոնյա CBS News-ին ասել է, որ քայլը պայմանավորված է ԱՄՆ ռազմական պաշարների չափազանց ցածր լինելու մասին մտահոգություններով։

Պենտագոնի քաղաքականության գծով փոխնախարար Էլբրիջ Քոլբին երեքշաբթի երեկոյան առանձին հայտարարության մեջ, ի պատասխան այս քայլի, ասել է, որ «Պաշտպանության նախարարությունը շարունակում է բնակիչներին տրամադրել Ուկրաինային ռազմական օգնությունը շարունակելու հուսալի տարբերակներ՝ համաձայն իր նպատակի՝ այս ողբերգական պատերազմը վերջ դնելու։ Միևնույն ժամանակ, նախարարությունն ուշադիր ուսումնասիրում և հարմարեցնում է այս նպատակին հասնելու իր մոտեցումը՝ միաժամանակ պահպանելով ԱՄՆ զինված ուժերի պատրաստակամությունը՝ բավարարելու վարչակազմի պաշտպանական առաջնահերթությունները»:

Սպիտակ տան պաշտոնյան էլ հայտարարել է, որ Ուկրաինա մատակարարումների դադարեցումը ԱՄՆ պաշտպանության նախարար Փիթ Հեգսեթի կողմից զենքի մատակարարումների ավելի լայնածավալ վերանայման մասն է, որը սկսվել է շաբաթներ առաջ նախագահ Թրամփի հանձնարարությամբ։ Պաշտոնյան ասել է, որ վերանայումը կատարվել է՝ համոզվելու համար, որ նախորդ վարչակազմի օրոք Պենտագոնն «առաջնահերթություն է տվել Ամերիկայի կարիքներին»։

Չնայած լրատվամիջոցներում արտահոսել է Ուկրաինայի հետ կապված դադարը՝ Սպիտակ տան պաշտոնյան լրատվամիջոցին  ասել է, որ մի քանի այլ երկրներ նույնպես «վերադասակարգվել են», ինչը նշանակում է, որ նրանք դուրս են մնացել ԱՄՆ-ից զենք և զինամթերք ստանալու առաջնահերթություններից։ Պաշտոնյան չի նշել երկրները կամ չի հայտնել, թե որքան ժամանակ կարող է տևել Ուկրաինա որոշ զենքի մատակարարումների դադարը։

ԱՄՆ-ն Ուկրաինային տասնյակ միլիարդավոր դոլարների ռազմական օգնություն է տրամադրել 2022 թվականի փետրվարին Ռուսաստանի կողմից Ուկրաինա լայնածավալ ներխուժումից ի վեր։ Royal United Services Institute military վերլուծական կենտրոնի գլխավոր տնօրենի տեղակալ Մալքոլմ Չալմերսը մարտին CBS News-ին ասել էր, որ Ուկրաինայի ռազմական տեխնիկայի մոտ 20%-ը մատակարարվում է ԱՄՆ-ի, 25%-ը՝ Եվրոպայի և մնացած աշխարհի կողմից, իսկ 55%-ն արտադրվում է Ուկրաինայում։

Ավելի վաղ հաղորդվել էր, որ ԱՄՆ նախագահ Դոնալդ Թրամփի վարչակազմը դադարեցնում է Ուկրաինային որոշ զինատեսակների, այդ թվում՝ հակաօդային պաշտպանության հրթիռների մատակարարումները՝ ռազմական ծախսերի և օտարերկրյա պետություններին ամերիկյան աջակցության վերանայումից հետո։

Թարգմանությունը՝ Էմմա Չոբանյանի