19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Ավտովթարից մահացել է «Լիվերպուլի» և Պորտուգալիայի հավաքականի ֆուտբոլիստ Դիոգու Ժոտան
03.07.2025 | 13:36
Ճանապարհատրանսպորտային պատահարի հետևանքով մահացել է Պորտուգալիայի հավաքականի ֆուտբոլիստ Դիոգու Ժոտան։ Նա 28 տարեկան էր։ Իսպանական Marca-ի հաղորդմամբ՝ «Լիվերպուլի» խաղացողը երեկ երեկոյան Սամորա նահանգում վթարի է ենթարկվել, փոխանցում է Euronews-ը։
Լրատվամիջոցի տվյալներով՝ վթարը տեղի է ունեցել Սանաբրիայում գտնվող A-52 մայրուղու 65-րդ կիլոմետրում։
Հաղորդվում է, որ ֆուտբոլիստի Lamborghini-ի անվադողը պայթել է, երբ նա փորձել է մեծ արագությամբ վազանց կատարել։ Մեքենան դուրս է եկել ճանապարհի երթևեկելի գոտուց, բռնկվել, ինչի հետևանքով զոհվել են դրա մեջ գտնվող երկու անձինք՝ Դիոգու Ժոգան և նրա կրտսեր եղբայրը՝ Անդրեն, որը նույնպես պրոֆեսիոնալ ֆուտբոլիստ է։
Այս տարի Ժոտան «Լիվերպուլի» հետ հաղթել էր Անգլիայի Պրեմիեր լիգան, իսկ Պորտուգալիայի հետ՝ Ազգերի լիգան։ Հունիսի 22-ին նա ամուսնացել էր իր ընկերուհի Ռուտե Կարդոսոյի հետ․ զույգը երեք երեխա ունի։
Թարգմանությունը՝ Էմմա Չոբանյանի
