15.02.2026 | 14:18
Բռնի տեղահանված անձանց առնչությամբ քննարկումները և հաղորդակցությունը պետք է ունենան բավարար զգայունություն․ Անահիտ Մանասյան
Կալուգայի Սամոյի բախտը չբերեց, սխալ տեղ էր եկել․ ՔՊ պատգամավոր․ ՏԵՍԱՆՅՈՒԹ
Քաղաքականություն
03.07.2025 | 12:45
«Բագրատի բախտը չբերեց, չկարողացավ գյուլել ՀՀ քաղաքացիներին, չբերեց բախտը Կալուգայի Սամոյի, որովհետև սխալ տեղ էր եկել, սխալ բաներ է ասում։ Չի բերում ընդդիմության բախտը, ու չի բերելու նրանց բախտը, ովքեր կշշկռվեն ու կփորձեն վնաս տալ հայ ժողովրդին կամ չթողնեն զարգանալ»,- այս մասին ԱԺ արտահերթ նիստում, որտեղ քննարկվում է ՀԷՑ-ի պետականացմանն առնչվող օրենսդրական նախաձեռնությունների փաթեթը, հայտարարեց ՔՊ պատգամավոր Նարեկ Գրիգորյանը։
Այնուհետև իշխանական պատգամավորը դիմեց ՀԷՑ-ի աշխատակիցներին՝ ասելով․ «Տղե՛րք, ով ձեզ կստիպի կամ կասի՝ եկեք գնանք միտինգի, իմ համարը գիտեք՝ ինձ մի հատ զանգում եք և բոլորի հերն էլ անիծում ենք»։
Նշենք, որ Նիկոլ Փաշինյանը ֆեյսբուքյան էջում անդրադարձել է ՀԷՑ-ի աշխատակիցներին հանրահավաքի տանելու մասին լուրերին։
«ՀԷՑ-ի այն աշխատողները, ովքեր իրենց գործը թողած զբաղված են քաղաքական խարդավանքներով, հուլիսին կազատվեն աշխատանքից։ ՀԷՑ-ի այն աշխատողները, ովքեր դիմադրում են առաջին երկու խմբերին և հավատարիմ են մնում իրենց աշխատանքային պարտականությունների կատարմանը, որևէ խնդիր չեն ունենա։Նրանք ովքեր առաջին երկու խմբերին չենթարկվելու համար հիմա կազատվեն աշխատանքից, հենց հուլիսին կվերականգնվեն և նրանց բաց թողնված աշխատավարձը կվճարվի»,- ասված է Փաշինյանի գրառման մեջ:
Մանրամասները՝ տեսանյութում։
Մանյա Պողոսյան
