22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Պարտադիրից՝ կամավոր․ ինչ է փոխվել ՌԴ մուտքից առաջ դիմում լրացնելու կարգում. ՏԵՍԱՆՅՈՒԹ
Քաղաքականություն
02.07.2025 | 19:45
Ռուսաստան մեկնելիս պարտավոր չեք լինի 72 ժամ առաջ տեղյակ պահել այդ երկրի պատկան մարմիններին։ ՌԴ-ն մեղմացրել է նախապես հայտարարված պահանջը․ ծանուցումը կլինի կամավոր, ոչ թե պարտադիր։ Մինչ այդ, նախատեսվում էր, որ 2025 թվականի հունիսի 30-ից մինչև 2026-ի հունիսի 30-ը Ռուսաստանի Դաշնության պետական սահմանի բոլոր անցակետերում կներդրվի օտարերկրյա քաղաքացիների և քաղաքացիություն չունեցող անձանց՝ ՌԴ մուտք գործելու և ելքի ընթացակարգ։ Բացառությունը գործելու էր Բելառուսի քաղաքացիների, դիվանագիտական և ծառայողական անձնագրեր ունեցողների, 6 տարեկանից փոքր քաղաքացիություն չունեցող անձանց համար։
Նոր կանոնների ներդրման վերաբերյալ մի քանի օր է՝ ակտիվ քննարկումներ են սոցիալական հարթակներում։ Ֆեյսբուքի տարբեր խմբերում քաղաքացիները տեղեկություն են փնտրում նոր կարգի մասին։ Մի մասը գրում է, որ օրենքը չեղարկվել է, մյուսներն էլ վստահեցնում են՝ այն չի գործում։
Ի՞նչն է ՌԴ իշխանություններին ստիպել հետքայլ անել․ պատճառը էլեկտրոնային համակարգի ծանրաբեռնվածությունն է և այլ խնդիրներ։ «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանի խոսքով՝ տուրիստական կազմակերպությունները ևս բողոքել են, որ դիմումի պահանջը կարճատև այցերի դեպքում լրացուցիչ խնդիրներ է ստեղծում։
Տարբեր երկրներում գործող ՌԴ դեսպանատները հաղորդագրություն տարածեցին, որ մուտքի դիմումի բացակայությունը չի ազդի սահմանային հսկողության իրականացման վրա և չի հանդիսանա մուտքի մերժման հիմք: Փորձագետի խոսքով, սակայն, չկա հստակ ժամանակահատված, թե որքան կտևի կամավորության սկզբունքը։ Նա, միաժամանակ, նշում է՝ երկարաժամկետ մեկնողների համար կարևոր է օգտվել «ruID» հավելվածից։
«RuID» հավելվածում գրանցվելիս միգրանտի էլեկտրոնային պրոֆիլում ներառվում են անձի մասին բոլոր տվյալները։ Դրանք վերաբերում են աշխատանքին, առողջությանը, վճարված հարկերին և տուրքերին, ինչպես նաև անձի կենսաչափական տվյալներին։ Բեժանյանը նաև տեղեկացնում է՝ հունիսի 30-ից ՌԴ բոլոր սահմանակետերում օտարերկրա քաղաքացիները միանգամից հանձնելու են նաև մատնահետք և տեղում ստանալու են իրենց մատնահետքի քարտը։
Մանրամասները՝ տեսանյութում։
Անի Թամրազյան
