06.08.2026 | 22:11
Հրդեհ՝ Երևանի Սիլիկյան թաղամասի հարևանությամբ գտնվող աղբավայրում
Ուզբեկստանի նախագահը պետական այցով ժամանել է Ադրբեջան․ նա պատրաստվում է այցելել նաև Ստեփանակերտ
Քաղաքականություն
02.07.2025 | 15:28
Ուզբեկստանի նախագահ Շավքաթ Միրզիյոևը պետական այցով ժամանել է Ադրբեջան։ Ադրբեջանական լրատվամիջոցների հաղորդմամբ՝ Բաքվի Հեյդար Ալիևի անվան միջազգային օդանավակայանում, պատվո պահակախումբ է կանգնեցվել նրա պատվին։
Ուզբեկստանի նախագահին դիմավորել են Ադրբեջանի առաջին փոխվարչապետ Յագուբ Էյուբովը, փոխարտգործնախարար Սամիր Շարիֆովը և այլ պաշտոնատար անձինք:
Այցի ծրագրի համաձայն՝ Բաքվում կկայանան Բարձրագույն միջպետական խորհրդի երկրորդ նիստը և այլ բարձր մակարդակի միջոցառումներ։ Կքննարկվեն ուզբեկա-ադրբեջանական բարեկամության, ռազմավարական գործընկերության և դաշնակցային հարաբերությունների հետագա ամրապնդման հարցեր։
Միրզիյոևը կմասնակցի նաև Տնտեսական համագործակցության կազմակերպության (ՏՀԿ) անդամ երկրների 17-րդ գագաթնաժողովին, որը տեղի կունենա հայաթափված Ստեփանակերտում։
Ավելի վաղ հայտնի էր դարձել, որ Ստեփանակերտում գագաթնաժողովին մասնակցելու են Իրանի նախագահ Մասուդ Փեզեշքիանը, Թուրքիայի նախագահ Ռեջեփ Թայիփ Էրդողանը, Պակիստանի վարչապետ Շահբազ Շարիֆը, ինքնահռչակ Հյուսիսային Կիպրոսի ղեկավար Էրսին Թաթարը։ Վերջինս էլ այսօր արդեն ժամանել է Բաքու։
Թարգմանությունը՝ Էմմա Չոբանյանի
