25.06.2026 | 13:05
100 հազար դրամ պետական տուրք` 2026 թվականին արտադրված 2-րդ հեռախոս ներկրելու համար. Մխիթար Հայրապետյան․ ՏԵՍԱՆՅՈՒԹ
ԱՄՆ-ն իսրայելական հարվածների գլխավոր «հրահրիչն» է․ Իրանի նախագահ
Քաղաքականություն
22.06.2025 | 20:47
Իրանի նախագահ Մասուդ Փեզեշքիանը հայտարարել է, որ ԱՄՆ-ի հարվածները Իրանի երեք միջուկային օբյեկտներին վկայում են այն մասին, որ հենց այդ երկիրն է «իսրայելական հարձակումների գլխավոր հրահրիչը», փոխանցում է BBC-ի ռուսական ծառայությունը։
Նախարարների կաբինետի նիստի ժամանակ Փեզեշքիանը մեղադրել է ԱՄՆ-ին՝ ասելով, թե նրանք «սկզբում փորձել են թաքցնել իրենց մասնակցությունը», սակայն ի վերջո «ստիպված են եղել ուղղակիորեն միջամտել»։
Նա հավելել է, որ այսօրվա իրանական հարձակումները Իսրայելի վրա «պատասխան» են ԱՄՆ-ի հարվածներին, և որ Իսրայելը «ոչ ռեսուրսներ ունի, ոչ էլ համարձակություն՝ Իրանի դեմ մենակ գործելու»։
Լրատվական գործակալությունները նաև հայտնում են, որ Փեզեշքիանը մասնակցում է Իրանում անցկացվող ցույցին։ Համացանցում հայտնված տեսանյութերում երևում է, թե ինչպես է Իրանի նախագահը անցնում բազմության միջով, ժպտում և սեղմում ցուցարարներին ձեռքերը։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել է, որ ամերիկյան ավիացիան հարվածներ է հասցրել Իրանում գտնվող երեք միջուկային օբյեկտներին՝ Ֆորդոյում, Նաթանզում և Սպահանում։
Ամերիկայի նախագահը նաև ուղերձով է հանդես եկել։ Իր ելույթում, որը տևել է երեք րոպե, Թրամփն ասել է, որ Իրանի ապագան կամ խաղաղություն է, կամ ողբերգություն, և կան բազմաթիվ այլ թիրախներ, որոնք կարող են խոցվել ամերիկացի զինվորականների կողմից: Նա հայտարարել է, որ եթե խաղաղության գործընթացն արագ տեղի չունենա, ապա ԱՄՆ-ն այլ նպատակներ է հետապնդելու՝ ճշգրտությամբ, արագությամբ և հմտությամբ:
