24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Արտակ Զեյնալյանն ընտրվեց Սահմանադրական դատարանի դատավոր
Հասարակություն
19.06.2025 | 18:10
Արտակ Զեյնալյանն ընտրվեց Սահմանադրական դատարանի դատավոր։ ԱԺ հաշվիչ հանձնաժողովի նախագահ Նարեկ Բաբայանը հայտնեց, որ 107 պատգամավորից քվեարկությանը մասնակցել է 67-ը։ Նրա փոխանցմամբ՝ Զեյնալյանի թեկնածությանը կողմ է քվեարկել 67 պատգամավոր, դեմ ձայներ չեն եղել։
Նշենք, որ Արտակ Զեյնալյանը 2001 թվականից «Հանրապետություն» կուսակցության հիմնադիր անդամ է, կուսակցության քաղաքական խորհրդի անդամ և կենտրոնական գրասենյակի աշխատակազմի ղեկավար։ Նրա կուսակից Անի Խաչատրյանը, սակայն, Factor TV-ին հայտնել էր, որ Զեյնալյանը մայիս ամսին դադարեցրել է «Հանրապետություն» կուսակցությանն անդամակցությունը։
Հիշեցնենք, որ 2018 թվականի մայիսի 12-ին վարչապետ Նիկոլ Փաշինյանի Արտակ Զեյնալյանին նշանակել էր Հայաստանի Հանրապետության արդարադատության նախարար: 2019 թվականի հունիսի 7-ին Արտակ Զեյնալյանը արդարադատության նախարարի պաշտոնից հրաժարականի դիմում էր ներկայացրել:
Հիշեցնենք նաև, որ Սահմանադրական դատարանում դատավորի հաստիքը թափուր էր Վահե Գրիգորյանի լիազորությունների դադարեցման պատճառով։ Վերջինս ընտրվել է ՄԻԵԴ-ի դատավոր։
Մանրամասները՝ տեսանյութում։
Մանյա Պողոսյան
