07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Ոչ ոք անձեռնմխելի չէ». Նեթանյահուն կրկին սպառնացել է Խամենեիին
Քաղաքականություն
19.06.2025 | 19:44
Իսրայելական Բիր Շեբա քաղաքի Սորոկա բժշկական կենտրոնում, որն այսօր խոցվել էր իրանական հրթիռով, Իսրայելի վարչապետ Նեթանյահուն հայտարարել է, որ չի բացառում Իրանի գերագույն հոգևոր առաջնորդ այաթոլլա Ալի Խամենեիին ուղղված հարվածը։ «Ոչ ոք անձեռնմխելի չէ։ Բոլոր տարբերակները բաց են»,- ասել է Նեթանյահուն՝ հավելելով․ «Ավելի լավ է դրա մասին չխոսել մամուլում»։ Իսրայելի պաշտպանության նախարար Իսրայել Կացն ավելի անթաքույց է սպառանիքներ հնչեցրել։ Նեթանյահուն նաև ասել է, որ ԱՄՆ-ի մասնակցությունը պատերազմին «նախագահ Թրամփի որոշումն է»։
«Նա կանի այն, ինչ լավ է Ամերիկայի համար, իսկ ես՝ այն, ինչ լավ է Իսրայելի համար», – նշել է Նեթանյահուն՝ հավելելով, որ ԱՄՆ նախագահը «գիտի խաղի կանոնները»։
Նա ընդգծել է, որ Իսրայելը կարող է ինքնուրույն իրականացնել ամբողջ առաքելությունը, եթե անհրաժեշտություն առաջանա.
«Այս գործողության ավարտից հետո Իսրայելի նկատմամբ չի լինի միջուկային զենքի և բալիստիկ հրթիռների կիրառման սպառնալիք»։ Նեթանյահուն նաև ասել է, որ «յուրաքանչյուրը անձնական գին է վճարում» պատերազմում, «և դա չի շրջանցել իր ընտանիքին. որդին չեղարկել է հարսանիքը»։
Ավելի վաղ էլ Բենիամին Նեթանյահուն հայտարարել էր՝ Ալի Խամենեիի սպանությունը «կավարտի հակամարտությունը» երկու երկրների միջև։
Թարգմանությունը՝ Էմմա Չոբանյանի
