06.10.2026 | 21:45
Հայկ Սարգսյանը հեռացվել է ՔՊ-ից
Թրամփի հատուկ ներկայացուցիչն առաջիկայում կմեկնի Բելառուս՝ Լուկաշենկոյի հետ հանդիպման․ Reuters
Քաղաքականություն
19.06.2025 | 10:41
ԱՄՆ նախագահի Ռուսաստանի և Ուկրաինայի հարցերով հատուկ ներկայացուցիչ Քիթ Քելլոգն առաջիկա օրերին կմեկնի Բելառուս՝ հանդիպելու այդ երկրի ղեկավար Ալեքսանդր Լուկաշենկոյի հետ։ Այս մասին հայտնել է Reuters-ը՝ հղում անելով հարցի վերաբերյալ ծանոթ չորս անձանց, գրում է DW-ի ռուսական ծառայությունը։
Այցի ճշգրիտ օրակարգը պարզ չէ, սակայն Քելլոգը առաջիկա հանդիպումը ներկայացրել է որպես քայլ, որը կարող է նպաստել Ռուսաստանի կողմից Ուկրաինայի դեմ պատերազմի դադարեցման բանակցությունների մեկնարկին․ այս մասին լրատվամիջոցին հայտնել են նրա զրուցակիցները։
Եթե այցը տեղի ունենա, Քելլոգը կլինի վերջին տարիներին Բելառուս այցելած ամենաբարձրաստիճան ամերիկացի պաշտոնյան։ 2020 թվականին՝ Դոնալդ Թրամփի նախագահության առաջին ժամկետի ընթացքում, պետքարտուղար Մայք Պոմպեոն էր այցելել Մինսկ։ Դա այն ժամանակ ԱՄՆ բարձրաստիճան պաշտոնյայի առաջին ուղևորությունն էր Բելառուս վերջին 20 տարվա ընթացքում։
Reuters-ը նաև նշում է, որ նման ուղևորությունների պլանավորումը պահանջում է մանրամասն քննարկում, ուստի այն կարող է չեղարկվել կամ փոփոխվել վերջին րոպեին: ԱՄՆ Պետդեպարտամենտը և Վաշինգտոնում Բելառուսի դեսպանատունը հրաժարվել են մեկնաբանություն տալ: Քիթ Քելլոգը և Սպիտակ տունը չեն արձագանքել լրատվամիջոցի մեկնաբանության հարցումներին:
