24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Բաքվում Ռուբեն Վարդանյանի շինծու գործերով դատական նիստում «մի շարք տուժողներ են ցուցմունքներ տվել»
Քաղաքականություն
17.06.2025 | 23:00
Բաքվում այսօր կայացել է Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստը։
Ադրբեջանական լրատվամիջոցների հաղորդմամբ մի շարք «տուժողներ» են ցուցմունքներ տվել։ Հարցաքննության սկսվելուց առաջ դատավոր Զեյնալ Աղաևը «տուժողներին և տուժողների» իրավահաջորդներին, որոնք առաջին անգամ են մասնակցել դատավարությանը, բացատրել է օրենքով սահմանված իրավունքներն ու պարտականությունները։
«Տուժողի» իրավահաջորդ «Ալիզամին Գանբարովը իր ցուցմունքում ասել է, որ իր որդին՝ Ռաշադ Գանբարլին, զոհվել է Լաչինի շրջանում՝ հայկական բանակի մնացորդների և հայկական անօրինական զինված խմբավորումների կողմից հրետակոծության հետևանքով» ։
Սարիբալա Հասանովը, որը ցուցմունքներ է տվել, հայտարարել է, որ իր որդին՝ Սաիդ Հասանովը, մահացել է Քարվաճառի շրջանում «հակառակորդի կողմից հրետակոծության հետևանքով»։ Այսպես մի շարք «տուժողներ» են ցուցմունքներ տվել։
Դատական հաջորդ նիստը նշանակվել է հունիսի 24-ին։
Թարգմանությունը` Էմմա Չոբանյանի
