29.04.2026 | 17:07
Ինչպես Մուստաֆաևի գլխավորած պատվիրակությունը հեռացավ Աղվերանից․ ՏԵՍԱՆՅՈՒԹ
Ֆրանսիայում Լը Բուրժեի ավիաշոուի ժամանակ արգելափակվել է Իսրայելի տաղավարների մուտքը
Քաղաքականություն
16.06.2025 | 22:12
Փարիզի Լը Բուրժեի ավիաշոուում իսրայելական ընկերությունների տաղավարները փակվել են սև պատով, որն արգելափակել է դրանց մուտքը, գրում է BBC-ի ռուսական ծառայությունը։
Պատին ֆրանսիական կառավարությանը խտրականության մեջ մեղադրող գրաֆիտիի հայտնվելուց հետո ավիաշոուի անձնակազմը ստիպված է եղել փակել այն։ Դեռևս պարզ չէ, թե ով է տվել տաղավարները փակելու հրամանը և ինչ պատճառով։
Իսրայելի Պաշտպանության նախարարությունը հայտարարել է, որ երեկ երեկոյան ցուցահանդեսի կազմակերպիչները Ֆրանսիայի կառավարության անունից պահանջել են հեռացնել հարձակողական զենքը իսրայելական պաշտպանական ընկերությունների տաղավարներից։ Իսրայելցի գեներալ-մայոր Ամիր Բարամը կազմակերպիչներին ասել է, որ «արհամարհանքով մերժում է այս պահանջը», ինչից հետո նրանք սև պատ են կառուցել իսրայելական տաղավարների շուրջ։
«Սա վրդովվեցնող և աննախադեպ որոշում է, որից քաղաքական և առևտրային նկատառումների հոտ է գալիս»,- հայտարարել է գերատեսչությունը։
Թարգմանությունը՝ Էմմա Չոբանյանի
