11.12.2025 | 20:42
Հայաստանը մնում է ՀԱՊԿ-ի լիիրավ անդամ. Զախարովա
Ամերիկային նոր քաղաքական կուսակցություն է անհրաժեշտ․ Իլոն Մասկ
Քաղաքականություն
07.06.2025 | 14:27
Միլիարդատեր Իլոն Մասկը հայտարարել է Միացյալ Նահանգներում նոր քաղաքական կուսակցություն ստեղծելու անհրաժեշտության մասին։
Ավելի վաղ Մասկը X-ի իր էջում հարցում էր անցկացրել․ «Ժամանա՞կն է Ամերիկայում ստեղծել նոր քաղաքական կուսակցություն, որը իրականում կներկայացնի միջին խավի 80%-ին»։
Հարցվածների 80.4%-ը կողմ է քվեարկել, 19․6 %-ը՝ դեմ։ Հարցմանը մասնակցել է ավելի քան 5.6 միլիոն օգտատեր։
«Ժողովուրդն ասաց իր խոսքը։ Ամերիկային անհրաժեշտ է նոր քաղաքական կուսակցություն, որը կներկայացնի միջին խավի 80%-ին։ Եվ հարցվածների 80%-ը համաձայն էր։ Սա ճակատագիր է», – գրել է Մասկը X-ում։
Հիշեցնենք, որ Թրամփն ու Մասկը համախոհներից վերածվել են հակառակորդների։ Բանավեճը կառավարության ներկայացրած նոր հարկային օրինագծի շուրջ է։
«Առանց ինձ Թրամփը կպարտվեր ընտրություններում, իսկ դեմոկրատները կունենային վերահսկողություն Ներկայացուցիչների պալատի նկատմամբ։ Այսպիսի անշնորհակալություն»,- ասել է Իլոն Մասկը։ Իսկ Թրամփն արձագանքել է, թե՝ «Մասկը խելագարվել է»։
Հիշեցնենք նաև, որ ընդամենը մեկ շաբաթ առաջ Թրամփը Մասկին ոսկե բանալի էր նվիրել՝ պետական ծախսերը կրճատելու ջանքերի համար։
Թարգմանությունը՝ Անահիտ Խաչատրյանի
