07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թրամփը Մասկին ոսկե բանալի է նվիրել պետական ծախսերը կրճատելու ջանքերի համար
Հասարակություն
31.05.2025 | 12:15
ԱՄՆ նախագահ Դոնալդ Թրամփը միլիարդատեր Իլոն Մասկին ոսկե բանալի է նվիրել ԱՄՆ կառավարության արդյունավետության դեպարտամենտի (DOGE) ղեկավարի պաշտոնում նրա աշխատանքի համար․ գրում է The New York Times-ը։
Միլիարդատերը ավարտել է իր աշխատանքը կառավարությունում և վերադարձել է մասնավոր հատված։
«Մենք այստեղ ունենք ինչ-որ յուրահատուկ բան։ Շատ յուրահատուկ։ Ես սա տալիս եմ շատ յուրահատուկ մարդկանց։ Ես սա տվել եմ միայն մի քանիսին։ Եվ ես որոշեցի սա Իլոնին նվիրել որպես մեր երկրի կղմից նվեր։ Շնորհակալություն, Իլոն», – ասել է ԱՄՆ նախագահը, գործարարին տալով փայտե տուփ՝ մեծ ոսկե բանալիով։
Մասկը նվերը զարմանալի է անվանել և շնորհակալություն հայտնել պետության ղեկավարին։
Մամուլի ասուլիսի ժամանակ Թրամփը բազմիցս շնորհակալություն է հայտնել գործարարին կատարած աշխատանքի համար և գովաբանել նրան։ Ամերիկացի առաջնորդը հստակեցրել է, որ ժամանակ առ ժամանակ կլսի Մասկի խորհուրդներն ու առաջարկությունները։ Լրագրողի հարցին, թե արդյոք նա շարունակելու է խորհուրդ տալ նախագահին, միլիարդատերը դրական պատասխան է տվել։
Նշվում է, որ Թրամփի կողմից Մասկին տրված բանալին կարելի է գնել առցանց առևտրային հարթակներից մեկում 8000 դոլարով։
Թարգմանությունը՝ Անահիտ Խաչատրյանի
