01.10.2026 | 20:30
Բաբայա՞նը կմնա, թե՞ ՔՊ-ն «կվերցնի Աբովյանը»․ համայնքապետի աթոռի համար պայքարը մեկնարկել է. ՏԵՍԱՆՅՈՒԹ
Չե՛մ հերքելու. նախարարը` ոստիկանապետի և Քանաքեռցի Տույի բարեկամական կապի մասին. ՏԵՍԱՆՅՈՒԹ
Հասարակություն
04.06.2025 | 20:54
Ես չեմ հերքի նոր ոստիկանապետ Արամ Ղազարյանի և Արթուր Ղազարյանի (քրեական աշխարհում հայտնի է որպես «Քանաքեռցի Տույ» – խմբ.) ազգակցական կապերի մասին տեղեկատվությունը, բայց դա որևէ կերպ չի կարող ազդել Արամ Ղազարյանի գործունեության վրա։ Այս մասին լրագրողների հետ զրույցում հայտարարել է Հայաստանի ներքին գործերի նախարար Արփինե Սարգսյանը։
«Ներքին գործերի նախարարության համակարգ, ոստիկանական համակարգ ընդունվելիս կատարվում է անձնակազմի խոր ուսումնասիրություն՝ համոզվելու համար, որ ներքին անվտանգությունը անձեռնմխելի է, և ոչ ոք չի կաշկանդվի իր գործողություններում։ Արամ Ղազարյանը նույնպես ստուգվել է, և հաշվի են առնվել բոլոր հանգամանքները, այդ թվում՝ գործողություններում կաշկանդվածության առկայությունը կամ բացակայությունը։
Անկախ ընտանեկան կապերից՝ Արամ Ղազարյանն ունի այն մարդկային արժեքային համակարգերը և փորձը, որոնք թույլ կտան նրան կատարել իր գործառույթները որպես ոստիկանապետ։
Հայաստանը շատ փոքր երկիր է, և մենք բոլորս կարող ենք ունենալ որոշ ազգականներ, բայց պաշտոնում գտնվող անձը ունի հստակ առաքելություն, և եթե մարդը կարող է հեշտությամբ կատարել իր առաջադրանքը, ապա ես այս առումով որևէ խնդիր չեմ տեսնում», – հավելել է Հայաստանի ներքին գործերի նախարարության ղեկավարը։
Մանրամասները` տեսանյութում։
Նարեկ Կիրակոսյան
