15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Սերժ Սարգսյանը խոսեց 2018 թ.-ին վարչապետի պաշտոնը ստանձնելու մասին
Քաղաքականություն
17.07.2017 | 07:46
Հայաստանի Հանրապետության նախագահ, իշխող Հանրապետական կուսակցության ղեկավար Սերժ Սարգսյանը շարունակում է պնդել՝ չի որոշել 2018 թվականին ինչով է զբաղվելու:
«Ես բազմաթիվ անգամ ասել եմ և ասել եմ անկեղծորեն, առանց որևէ բան պահելու, ես երբեք, երբեք չեմ մտածել, թե որն է լինելու իմ հաջորդ գործունեության ոլորտը: Եվ նույն կերպ հիմա եմ շարունակում մտածել»,- այս մասին «Ռ-Էվոլյուցիա» հաղորդաշարի ընթացքում պատասխանելով հարցին՝ կցանկանա արդյոք 2018 թվականին լինել Հայաստանի վարչապետ, հայտարարեց Սերժ Սարգսյանը՝ հավելելով, որ մինչ այդ դեռևս հսկայական ժամանակ կա:
« Իսկ ի՞նչ էական է դա, արդյոք էակա՞ն է, էական չի չէ՞: Մեր երկրում տեղի է ունեցել քաղաքական պրոցես՝ ընտրություններ, մեր երկիրն արդեն խորհրդարանական կառավարման երկիր է, ով խորհրդարանում ունի մեծամասնություն, նա էլ առաջադրելու է վարչապետի իր թեկնածուին: Իհարկե, անձերից շատ բան է կախված, բայց արդեն Հայաստանն անձնակենտրոն իշխանություն չունի, և կարծում եմ, որ դա մեր ժողովրդի վաստակն է: Եվ մեր ժողովուրդը, կարծում եմ, դրա դրական ազդեցությունը տեսավ ընտրություններից հետո, երբ պատմության մեջ առաջին անգամ մարդիկ չհավաքեցին և չասացին , որ հիմա իրենք հեղափոխություն են անելու»,- ընդգծեց հանրապետության նախագահը:
Հիշեցնենք՝ 2018 թվականի ապրիլին կլրանա Սերժ Սարգսյանի պաշտոնավարման ժամկետը:
Շողիկ Գալստյան
