24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Ընդդիմադիր թեկնածու Նավրոցկին հաղթել է Լեհաստանի նախագահական ընտրությունների երկրորդ փուլում
Քաղաքականություն
02.06.2025 | 10:17
Ընդդիմադիր «Իրավունք և արդարադատություն» կուսակցության թեկնածու Կարոլ Նավրոցկին հաղթել է Լեհաստանի նախագահական ընտրությունների երկրորդ փուլում՝ ստանալով ձայների 50.9%-ը: Այս մասին են վկայում երկրի Պետական ընտրական հանձնաժողովի կողմից քվեաթերթիկների 100%-ի մշակման տվյալները․ գրում է TVP Info -ն:
Իշխող «Քաղաքացիական կոալիցիայի» թեկնածու և Վարշավայի քաղաքապետ Ռաֆալ Տշասկովսկին ստացել է ձայների 49.1 %-ը:
Միաժամանակ նշվում է, որ Վարշավայի քաղաքապետ Ռաֆալ Տշասկովսկին, արտասահմանում գտնվող ընտրատեղամասերում քվեարկության արդյունքներով, հաղթել է ՝ ստանալով քվեարկողների ձայների 63.49%-ը, իսկ Կարոլ Նավրոցկին՝ 36.51%-ը։
Արտասահմանում գտնվող ընտրատեղամասերում քվեարկել է ավելի քան 608,000 լեհ։
Կենտրոնական ընտրական հանձնաժողովի կայքում հրապարակված տվյալների համաձայն՝ երկրորդ փուլում մասնակցությունը կազմել է Լեհաստանի նախագահական ընտրությունների համար ռեկորդային 71.63 %: Ընտրողների մասնակցության նախորդ ռեկորդը գրանցվել է 1995 թվականին (68.23%):
Հիշեցնենք, որ Լեհաստանի նախագահական ընտրությունների առաջին փուլն անցկացվել է մայիսի 18-ին, իսկ երկրորդ փուլը՝ հունիսի 1-ին:
Թարգմանությունը՝ Անահիտ Խաչատրյանի
